Mañá enfróntanse SD Compostela e Victoria FC con equipos de gala

Despois de 47 anos, mañá xoves 17 de maio, festivo en Galicia polo Día das Letras Galegas e coincidente tamén coa festividade local santiaguesa da Ascensión, recupérase un dos trofeos deportivos máis prestixiosos do panorama futbolístico compostelano: o da Asociación da Prensa. O encontro, con entrada de balde, será as 12.00 horas no mítico estadio de Santa Isabel. A expectación é palpable na cidade non só pola recuperación do cobizado trofeo senón tamén polo carácter festivo e de celebración de ambos os dous equipos: a SD Compostela, que fai 50 anos e que acaba de ascender a 3ª División, e o modesto Victoria FC, histórico clube do barrio de San Lázaro, que cumple nada menos que 75 anos. Ao evento acudirán as primeiras autoridades locais e provinciais así como numerosos xornalistas, pertencentes ou non á Asociación de Periodistas de Santiago de Compostela-FAPE, tributaria da antiga Asociación da Prensa que en breve tamén estará de aniversario cos seus 70 anos de historia. Os previos do partido serán amenizados pola banda de coros e gaitas Cantigas e Agarimos, haberá solta de pombas e bombas de palenque.

Fotos: Antonio Hernández
De esquerda a dereita: Antonio Quinteiro, presidente da SD Compostela; Luís Menéndez, presidente da APSC; Alfonso Castiñeiras, presidente do comité do 50º aniversario da SD Compostela; Salvador Figueiras, presidente do Victoria FC

A instancias do comité organizador dos actos do 50º aniversario da SD Compostela, a Asociación de Periodistas de Santiago-FAPE acordou recuperar o tradicional Trofeo de Fútbol Asociación da Prensa de Santiago, que fora moi popular na cidade, durante os anos 50 e 60 do pasado século. Durante aquel tempo no estadio de Santa Isabel de Santiago, e tamén noutras cidades de Galicia como Ferrol ou Vilagarcía, os xornalistas composteláns, (entre os que salientaban nomes como Castiñeiras ou os irmáns Alvite), organizaron ata 11 encontros entre equipos galegos con gran éxito de público e repercusión deportiva.

O trofeo foi moi cotizado como demostra a participación de históricos clubes do fútbol galego como o Deportivo, o Celta, o Ourense ou o Rácing de Ferrol, así como a SD Compostela que participou nas tres edicións (das que gañou dúas) desde a súa creación en 1962, e da que conmemoramos agora o seu 50ª aniversario.

Coa presenza do Alcalde da Cidade, Anxel Currás, directivos de equipos de fútbol compostelán e da APSC tivo lugar este luns 14 na sala de prensa do diario EL Correo Gallego, a presentación oficial do XII Trofeo de Fútbol da Asociación da Prensa de Santiago. O encontro en si terá lugar o vindeiro xoves 17 de maio, Día da Ascensión, ás 12.00 no estadio de Santa Isabel entre os equipos SD Compostela e FC Victoria, veterano equipo compostelán que cumpre 75º anos de existencia. A entrada será libre.

HISTORIAL TROFEO DE FÚTBOL ASOCIACIÓN DA PRENSA DE SANTIAGO

1ª.-  1951:    Vista Alegre-Lasalle

2ª.-  1955:    Deportivo-Ferrol

3ª.-  1957:    Santiago-Turista

4ª.-  1958:    Celta-Ferrol

5ª.-  1959:    Ferrol-Deportivo (en Ferrol)

6ª.-  1960:    Ourense-Pontevedra (en Vilagarcía)

7ª.-  1961:    Celta-Santiago

8ª.-  1962:    Celta-Pontevedra

9ª.-  1963:    Celta-SD Compostela

10ª.-1964:    Ferrol-SD Compostela

11ª.-1965:    Ferrol-SD Compostela

12ª.-2012:    SD Compostela-FC Victoria

Día:    Luns 14 Maio

Hora:  17.00 horas

Lugar: El Correo Galego

A instancias do comité organizador dos actos do 50º aniversario da SD Compostela, a Asociación de Periodistas de Santiago-FAPE acordou recuperar o tradicional Trofeo de Fútbol Asociación da Prensa de Santiago, que fora moi popular na cidade, durante os anos 50 e 60 do pasado século. Durante aquel tempo no estadio de Santa Isabel de Santiago, e tamén noutras cidades de Galicia como Ferrol ou Vilagarcía, os xornalistas composteláns, (entre os que salientaban nomes como Castiñeiras ou os irmáns Alvite), organizaron ata 11 encontros entre equipos galegos con gran éxito de público e repercusión deportiva. O trofeo foi moi cotizado como demostra a participación de históricos clubes do futbol galego como o Deportivo, o Celta, o Ourense ou o Rácing de Ferrol, así como a SD Compostela que participou nas tres edicións (das que gañou dous) desde a súa creación en 1962, e da que se conmemoramos agora o seu 50ª aniversario.

Coa presenza do Alcalde da Cidade, Anxel Currás, directivos de equipos de fútbol compostelán e da APSC terá lugar este luns 14 na sala de prensa do diario EL Correo Gallego, a presentación oficial deste XII Trofeo de Fútbol da Asociación da Prensa de Santiago. O encontro en si terá lugar o vindeiro xoves 17 de maio, Día da Ascensión, ás 12.00 h. no estadio de Santa Isabel entre os equipos SD Compostela e FC Victoria, veterano equipo compostelán que cumpre 75º anos de existencia. A entrada será libre.

A FAPE en colaboración coa Federación de Asociacións de Produtores Audiovisuais Españois (FAPAE)  e a empresa Editrairn organizan os seguintes cursos totalmente subvencionados para os asociados a FAPE:

Redacción e guionización para a radio. Do 16 de maio ao 29 de xuño. Máis información

Pro Tools. Técnicas de grabación de estudio e audio dixital. Do 28 de maio ao 28 de xuño. Máis información

Creación, programación e deseño de webs dinámicas. Do 28 de maio ao 28 de xuño. Máis información

Produción de radio. Do 30 de maio ao 28 de xuño. Máis información

O Padre Frei Xosé Isorna Ferreirós foi galardoado co titulo de Socio de Honra da Asociación de Periodistas de Santiago-FAPE no transcurso dunha homenaxe que os xornalistas composteláns tributaron hoxe ao ilustre franciscano. Durante décadas, o Padre Isorna foi moi popular entre a prensa e os xornalistas da capital de Galicia.

O seu vínculo coa asociación da prensa vén xa desde os anos 50 do pasado século. As súas colaboracións nos medios locais e galegos (oficiou durante anos na Misa da TVG) e coa súa bonomía gañou as simpatías de todo o colectivo profesional así como de numerosos sectores sociais da cidade. Natural de Cordeiro (Valga), de 91 anos, agradeceu vivamente a condecoración recibida, que lle foi entregada polo presidente da APSC, Luís Menéndez, quen calificou o Padre Isorna como “bondadoso espello para o xornalismo compostelán” e leu un poema da súa autoría dedicado a Galicia.

Foto: Fernando Blanco. De esquerda a dereita, Juan Salgado, Rafael Cid, Ángel Currás, Luís Menéndez, Áurea Sánchez e Francisco J. Rodil

O Alcalde de Santiago de Compostela, Ánxel Currás, recibiu na tarde hoxe a Xunta Directiva da Asociación de Periodistas de Santiago de Compostela (APSC), que preside Luís Menéndez. Currás escoitou os proxectos inmediatos da agrupación de xornalistas, entre os que salienta a instalación dun centro de prensa, con carácter internacional, para dar servizo os xornalistas e correspondentes estraxeiros que a miúdo pasan pola cidade, amais de ser centro de actos e xuntanzas dos xornalistas composteláns. Neste sentido Currás comprometeuse, como xa o fixera o anterior mandatario, a viabilizar o proxecto. Asemade fóronlle expostas outras iniciativas como a recente constitución en Santo Domingo de la Calzada (A Rioxa) da Liga de Asociacións de Periodistas do Camiño de Santiago,  impulsada pola APSC, a organización do II Premio Borobó de Xornalismo e a celebración no día da Ascensión do XII Trofeo de Futbol Asociación da Prensa, no estadio de Santa Isabel entre a SD Compostela e o FC Victoria.

A Xunta Directiva da APSC (Asociación de Periodistas de Santiago de Compostela) decidiu entregarlle o título de Socio de Honra ao Padre D. José Isorna no acto de homenaxe que se vai celebrar en Santiago este venres, 11 de maio. O ilustre franciscano vai recibir os parabéns de moitos xornalistas de Santiago que se sumaron, tanto individual como colectivamente, a este acto organizado polo noso socio Arturo Maneiro. Desde décadas o Padre Isorna é asiduo colaborador nos medios de comunicación locais e galegos (misa da TVG) e mantén estreitos vínculos cos xornalistas composteláns tanto desde o punto de vista relixioso -oficiou durante moitos anos a tradicional Misa do Patrón- coma profesional ou de sinceira amizade. A súa bonomía, erudición e saber estar, xunto cos seus sabios consellos, sempre foron valorados polos compañeiros xornalistas de Santiago que tiveron tamén no Padre Isorna o referente amable e sosegador dos conflitos que a miúdo soporta a prensa. Por iso a APSC acordou o seu nomeamento e calificou o Padre Isorna como “bondadoso espello para o xornalismo compostelán”.

Pd (so para socios/as).- O xantar homenaxe será o venres 11 de maio no restaurante do Hotel San Francisco (23€) as 14.30 horas. Interesados poñerse en contacto con Arturo Maneiro (629803088),  arturo.maneiro@crtvg.es

A concentración convocada pola Asociación de Periodistas de Santiago de Compostela no Día Mundial da Liberdade de Prensa foi un éxito. Un nutrido grupo de socios, xornalistas e profesinais dos medios, profesores e representantes da facultade de Ciencias da Comunicación e alumnos de Xornalismo, entre outros participaron na concentración de 5 minutos que se celebrou este mediodía diante da facultade de Ciencias da Comunicación baixo o lema “Sen xornalistas non hai xornalismo. Sen xornalismo non hai democracia”.

No acto, a voceira e membro da directiva da APSC, Carolina Carballedo leu un manifesto conxunto contra a devastación xeneralizada e a degradación que está sufrindo a profesión xornalística en toda España, coa desaparición de preto de 6.000 postos de traballo nos últimos tempos.

A campaña foi moi secundada en máis de 50 localidades de toda España e mesmo no estranxeiro, como Bruxelas, ondeo Luís Menéndez, presidente da Asociación de Periodistas de Santiago a presentou como delegado de Relacións Internacionais en nome de FAPE nunha reunión de xornalistas europeos organizada pola Federación Internacional de Xornalistas (FIP)

O acto forma parte da campaña que están a desenvolver por toda España as 61 asociacións de profesionais do xornalismo adscritas á Federación de Asociacións de Periodistas de España (FAPE), e que representa a 20.000 xornalistas en todo o estado.

O xoves 3 de maio, Día Mundial da Liberdade de Prensa, a Asociación de Periodistas de Santiago de Compostela convoca, ás 12.00 h. da mañá, diante da Facultade de Xornalismo e Ciencias da Comunicación a socios, profesores, alumnos, organizacións sociais e cidadáns en xeral sensibilizados coa liberdade de expresión a unha concentración de 5 minutos baixo o lema “Sen xornalistas non hai xornalismo. Sen xornalismo non hai democracia”. O acto de Santiago, forma parte integrante da campaña que por toda España desenvolverán ese día as 61 asociacións de profesionais do xornalismo adscritas a FAPE (Federación de Asociacións de Periodistas de España) e que representa a 20.000 xornalistas en todo o Estado. No acto lerase un comunicado conxunto contra a devastación xeneralizada e a degradación que está sufrindo a profesión xornalística en toda España e a desaparición de perto de 6.000 postos de traballo nos últimos tempos.

Nota:  A APSC solicita a todas as institucións públicas e privadas que non realicen nengún tipo de convocatoria os medios de comunicación entre as 11.30 e 12.30 horas de dito día 3 de maio para permitir a asistencia dos xornalistas e profesionais dos medios a este acto, amosando así a súa solidariedade con este colectivo nun día tan significado.

Profesionais do xornalismo  da Unión Europea pediron  nunha reunión celebrada esta fin de semana en  Salónica (Grecia)  igualdade de condicións laborais e rexeitaron as agresións e ameazas que están a sufrir no exercicio da profesión os que traballan en Grecia.

No encontro púxose de manifesto como situación xeneralizada en toda Europa a precarización laboral dos xornalistas, que se manifesta en contratos temporais ou contratos como  free lance, nos que os empregados, sendo por conta allea, teñen que pagar eles mesmos as cuotas á  Seguridade Social.

Ao seminario, organizado pola Federación Europea de Xornalistas (FEP), asistiu  en representación da Federación Española de Asociacións da Prensa de España (FAPE) Áurea Sánchez,  que forma parte da directiva da Asociación de Periodistas de Santiago (APSC) e da Rede Internacional de Mulleres Periodistas.