De esquerda a dereita: Mamen Gurruchaga, Alfonso Cabaleiro, Pedro Nolasco e Luís Menéndez na presentación do Informe Anual Mundial de Reporteiros sen Fronteiras, en Santiago de Compostela.

• Presentado en Santiago o Informe Mundial de RSF
  

• Foi entregado ao Presidente da Xunta, quen recibiu en audiencia a Reporteros sin Fronteras e a unha comisión da Asociación de Periodistas de Santiago

Santiago, 6.2.10.-As guerras e os procesos electorais son os acontecementos que máis risco comportan para o desenvolvemento do traballo dos xornalistas no mundo. Con respecto a pasados anos o Informe de 2009 elaborado por Reporteros sin Fronteras e presentado en Santiago constata un aumento do 26% de xornalistas asasinados e que, cun total de 76 durante o pasado ano, perderon a vida maioritariamente en Filipinas (33), Paquistán (5) Irak (4) e México (3). Asemade 33 xornalistas foron secuestrados, 573 detidos, 1456 agredidos e 157 tiveron que exiliarse. Os datos, feitos públicos por Mamen Gurruchaga, directiva de RSF-España revelaron un aumento moi considerable de bloggers e ciberdisidentes detidos, sobre todo en países afectados pola censura en Internet como China, Cuba ou Irán.

[Pulsa para ler o resto da noticia]

Reporteiros sen Fronteiras presenta mañá en Santiago de Compostela o seu Informe Anual mundial correspondente a 2009

Partipará Deo Namujimbo, xornalista represaliado no Congo e Mamem Gurruchaga, da directiva española de RSF

A asociación profesional Reporteros sin Fronteras presentará este sábado 6 de febreiro as 11.30 a.m. na Galería Sargadelos de Santiago de Compostela o seu Informe Anual de Liberdade de Prensa correspondente ao pasado ano. O acto está organizado pola Asociación de Periodistas de Santiago de Compostela, coa colaboración da Secretaría Xeral de Medios da Xunta de Galicia que dirixe Alfonso Cabaleiro.
 
Os prestixiosos informes anuais de Reporteros sin Fronteras están catalogados como o mellor barómetro para medir a liberdade de expresión do mundo. A través de milleiros de colaboradores e delegados de RSF nos cinco continentes lévase a cabo un exhaustivo traballo de compilación de datos que se fan públicos internacionalmente. Como resultado do Informe 2009 dedúcese que a liberdade de prensa vai en retroceso no mundo sobre todo en países como Irán, México, Filipinas, China ou Irak, onde existe unha guerra. En 2009 foron asasinados 76 xornalistas exercendo a profesión, 33 foron secuestrados e 157 tiveron que exiliarse.
[Pulsa para ler o resto da noticia]

Ataque á liberdade de expresión

A Asociación de Periodistas de Santiago de Compostela (APSC) rexeita de modo enérxico e contundente o atentado con explosivo que tivo lugar no día de hoxe contra o catedrático da Universidade de Santiago e asiduo contertulio en medios de comunicación galegos, Roberto Blanco Valdés. A explosión, que so causou danos materiais por sorte, produciuse na vivenda habitual de Roberto Blanco, nas inmediacións da capital galega. A APSC considera sen lugar a dúbidas que se trata dunha acción intimidatoria de grupos radicais que non toleran a liberdade de expresión nin a discrepancia dialéctica en democracia. A APSC quere amosar toda a súa solidariedade e afecto con Roberto Blanco e a súa familia.

Directiva APSC

Os asociados á Asociación de Periodistas de Santiago e os seus familiares poderán beneficiarse do mesmo prezo reducido que os abonados ao Multiusos do Sar de Santiago nos cursos náuticos que se celebran nesta instalación compostelá ao longo do ano.  Estes cursos, ademais de habilitar oficialmente para o manexo de embarcacións de lecer e ser valorados en moitas empresas, proporcionan aos compañeiros xornalistas uns coñecementos náuticos case imprescindibles nun país como Galicia no que as informacións marítimas ou referenciadas ao mar ocupan un considerable espazo nos medios de comunicación.  
O primeiro curso será de PER (Patrón de Embarcacións de Lecer), que é o máis demandado,  e iníciase o próximo día 1 de febreiro.  O calendario para este ano  2010 é o seguinte:   

[Pulsa para ler o resto da noticia]

A TODAS LAS ASOCIACIONES FEDERADAS Y VINCULADAS

Ofrecemos un resumen de las actualizaciones y últimos acuerdos alcanzados en el área de Servicios - Carné FAPE. Siempre es importante consultar nuestra web www.fape.es canal Servicios.

PARADORES, HOTELES Y BALNEARIOS

Barceló Hotels & Resorts
www.barcelo.com
Esta cadena hotelera ofrece a los asociados de FAPE durante 2010 las mismas condiciones que a sus empleados. No se trata de un descuento fijo, sino que es un cupo de habitaciones de cada hotel, en función de su disponibilidad, con descuentos que pueden llegar a ser de hasta el 60 %. Pero puede ocurrir que en ciertas fechas, que varían según localidad y hotel, ese trato especial no esté vigente. En caso de haberse agotado las habitaciones a las que se puede aplicar este descuento, automáticamente se accede a las mejores rebajas de que disponga en ese momento el hotel elegido. Barceló cuenta con 180 hoteles en 17 países.

[Pulsa para ler o resto da noticia]

De esquerda a dereita, Javier Arenas, secretario xeral de FAPE; Baldomero Cores, autor do libro; Xosé A. Sánchez Bugallo, alcalde de Santiago de Compostela e Luís Menéndez, presidente da APSC.

A Asociación de Periodistas de Santiago de Compostela (APSC) celebrou esta mañá a festividade do seu patrón, San Francisco de Sales, con un acto reinvindicativo da figura do xornalista compostelan Alfredo Vicenti Rey que se desenvolveu na Fundación Araguaney. Con este motivo, A Asociación presentou o libro Alfredo Vicenti, vida y obra de un gran periodista, do escritor e xornalista Baldomero Cores, que tamén forma parte da directiva da APSC, e que foi editado conxuntamente polas Asociacións da Prensa de Madrid, A Coruña e Santiago.

[Pulsa para ler o resto da noticia]

A Asociación de Periodistas de Santiago de Compostela (APSC) celebra mañá sábado a festa do Patrón San Francisco de Sales con un acto reinvindicativo na figura do xornalista compostelan Alfredo Vicenti Rey na Fundación Araguaney as 13 horas. Alfredo Vicenti (1850-1916) foi quizais o xornalista español máis importante no periodo entreposto dos séculos XIX e XX. Nado en Santiago de Compostela foi médico, poeta pero sobre todo xornalista e promoveu varias publicacions en Galicia subliñadamente en “El Diario de Santiago” que foi pechado polo cardenal Payá, ao frente da curia compostelana de entón. Por tal motivo Alfredo Vicenti, republicano e federal, tivo que exiliarse en Madrid onde fixo unha exemplar carreira profesional colaborando en numerosos xornais como “El Globo”, órgano de Emilio Castelar, e “El Liberal” do que foi director. Tamén foi un adiantado no asociacionismo entre os xornalistas xa que foi o impulsor da Asociación da Prensa de Madrid en 1895. Deputado en Cortes  foi activo membro en periodos políticos de España como a Primeira República, as guerras carlistas, a Restauración monárquica e a crise do 98. Participou en campañas do agrarismo galego e escribiu abondo sobre Galicia como os naufraxios da Costa da Morte, as relacións con Portugal, ou a marxinación do campo.
[Pulsa para ler o resto da noticia]

Foto: Antonio Hernández

A Asociación de Periodistas de Santiago de Compostela (APSC) presentou esta tarde na facultade de Ciencias da Comunicación o libro Alfredo Vicenti. Vida y obra de un gran periodista, do xornalista e membro da directiva da APSC, Baldomero Cores Trasmonte, co motivo da celebración da semana do patrón dos xornalistas. A través deste documentado traballo, Baldomero Cores pon de manifesto a importancia que tivo para Santiago a figura do periodista santiagués Alfredo Vicenti Rey, nado no Picho da Cerca. Formado en El Diario de Santiago, abandonou Compostela polo seu marcado carácter anticlerical e decidiu instalarse en Madrid, onde fundou a Asociación da Prensa a finais do século XIX.

[Pulsa para ler o resto da noticia]

Caricatura de Alfredo Vicenti realizada por Castelao

A Asociación de Periodistas de Santiago de Compostela decidiu este ano 2010 a celebración do Patrono dos Xornalistas, San Francisco de Sales, organizando unha serie de actos tendentes á recuperación da vida e obra de Alfredo Vicenti (1850-1916). Nado en Santiago e considerado como un “mestre de mestres” do xornalismo español da época. Neste sentido a APSC presentará o libro Alfredo Vicenti. Vida e obra de un gran periodista, un documentado traballo cuxo autor é o xornalista Baldomero Cores Trasmonte, membro da Directiva da APSC, e que será dado a coñecer diante de profesores e alumnos da facultade de Ciencias da Comunicación o mercores 20 de xaneiro as 18.00 horas. Tamén terá lugar un acto oficial o sábado 23 ás 13 horas na sala de conferencias da Fundación Araguaney (Montero Ríos, 23).

[Pulsa para ler o resto da noticia]

A Federación Internacional de Periodistas (FIP) pediulle máis accións aos gobernos e a Nacións Unidas para protexer os medios, e para iso anunciou as cifras que acadan os 137 xornalistas e empregados de medios asasinados durante o 2009. En 113 casos, os xornalistas foron o obxectivo intencionado. A FIP considera que con este número se acada un dos maiores niveis de asasinatos de xornalistas.

Por países, Filipinas, México e Somalia son os máis perigosos para os periodistas, o que en palabras do presidente da FIP, Jim Boumelha, o 2009 se convertiu nun “ano moi sanguento para os medios de comunicación”. Pero entre os cinco primeiros tamén se sitúan Pakistán e Rusia. A rexión máis letal, por segundo ano consecutivo, é a de Asia-Pacífico, con 52 periodistas e traballadores dos medios asasinados.

[Pulsa para ler o resto da noticia]