Asemblea Xeral Ordinaria da APSC celebrarase o venres 19 de decembro na sala de conferencias da Galería Sargadelos, (rúa Nova, nº 26, primeiro andar), ás 19.00 h en primeira convocatoria, e ás 19.30 h en segunda.

A Orde do día será a seguinte

1.-Lectura das actas anteriores.
2.-Estado de contas
3.-Informe anual do Presidente.
4.-Convenio médico privado para socios da APSC.
5.-Presentación nova WEB da APSC.
6.-Actividades previstas para 2009 e Xacobeo 2010.
7.-Rogos e preguntas

Por outra banda, queremos informarte do seguinte:

-Cea social: coma tódolos anos organizamos unha cea despois da Asemblea. Será no restaurante Casal do Cabildo (rúa de San Pedro, 18) a partir das 21.00 h. O custo por persoa é de 15 € que poderás abonar ese mesmo día 19. Se desexas asistir non tés máis ca facérnolo saber por correo electrónico (apsantiagoc@hotmail.com ), teléfono (686 24 34 65) ou mesmo en persoa antes do venres 5 de decembro (Importante). Terás que decidirte para o segundo prato entre carne (confit de pato) ou peixe (merluza hojaldrada).

-Agasallo de Nadal: a parte dalgunhas publicacións que serán entregadas na Asemblea, como socio/a terás tamén a túa cesta de Nadal, con entrega no teu domicilio. Se o servizo de mensaxería non logra entregala (dous avisos), a cesta estará á túa disposición na oficina da APSC (Carlos Maside, 7) ata o vindeiro sábado 12 de xaneiro de 2009. Despois desa data non se fará reparto debido á caducidade dos produtos.

-Participación na lotería do Nadal: este ano, os números cos que xogamos son o 05.939 e o 71.837.