Presentouse no Club Internacional de Prensa a Agrupación de Mulleres Xornalistas de Santiago, organización adscitas na Asociación de Periodistas de Santiago de Compostela que preside Luís Menéndez. Esta Agrupación está presidida pola xornalista da TVG Xulia Campos, que por estar de baixa laboral non puido asistir ó acto. No seu lugar, asistíu Áurea Sánchez, xornalista de TVE en Galicia, e unha das impulsoras desta Agrupación; outra xornalista membro da FAPE, Mª Isabel Menéndez, de Asturias, especializada en temas de xénero e comunicación no ámbito internacional, asistiu tamén á rolda de prensa.

A Agrupación de Mulleres Xornalistas de Santiago naceu a carón da iniciativa das xornalistas españolas adscritas á FAPE (á Federación de Asociacións de Periodistas de España) que decidiron no seu momento agrupárense para pór en común a problemática da muller nos Medios de Comunicación, a aplicación da Lei de Igualdade e os problemas xerados pola discriminación, a violencia de xénero e as desigualdades.

Un dos obxectivos desta agrupación é promover a implicación dos Medios nas cuestións de xénero, como pode ser por exemplo, dar a coñecer en profundidade e con maior sensibilidade esta problemática, considerando que os devanditos Medios deben adoptar unha cultura interna de respecto que elimine tódalas manifestacións de acoso ou discriminación de xénero.

En moitas ocasións, a violencia contra das mulleres non é tratada axeitadamente ou se cobre de xieto erróneo. Con frecuencia, a violencia sexual é presentada como resultado inevitable dun conflito armado.

No 2005, o Proxeto Monitoreo Global de Medios revelou que en novas sobre mulleres, rara vez figura a violencia doméstica e sexual. A opinión pública precisa ter unha visión realista da violencia que prevalece contra das mulleres a nivel internacional, e neste caso, a nivel local, dado o ámbito de actuación desta Agrupación.

Así o manifestaron as persoas asistentes a esta rolda de prensa celebrada hoxe luns 8 de decembro no Club Internacional de Prensa.