A Asociación Tecnológica para el Tratamiento del Agua (ATTA) vén de convocar a primeira edición do Premio ATTA á Divulgación das Tecnoloxías de Tratamento da Auga, coa finalidade de ampliar o coñecemento da sociedade desta materia, que estará dotado con 5.000 euros.

Poderán presentarse traballos, de calquera xénero xornalístico, escritos en castelán e publicados a partir do 1 de xaneiro de 2008, en calquera medio nacional, impreso ou on-line, que versen sobre “as novas tecnoloxías de tratamento da auga no contexto da xestión sostible dos recursos hídricos: depuración, reutilización, potablización e desalación.”

A data tope para a recepción dos traballos presentados será o 15 de xullo de 2009, podendo optar ao mesmo soamente traballos de carácter divulgativo e orientados a un público non especializado, quedando expresamente descartados os publicados en medios de caracter científico.

Os traballos, asinados polo autor/a ou seudónimo, xunto cos seus datos persoais e un breve currículo, deberán enviarse por correo certificado ao seguinte enderezo:

AVD. MANOTERAS, 38-BLOQUE D-509. Madrid 28050

Os traballos publicados en medios impresos presentaranse en páxina completa e orixinal ou fotocopia, na que poida apreciarse a data de publicación orixinal, así coma a cabeceira do medio onde se publicou. Os traballos publicados en medios on-line presentaranse igualmente de forma impresa, incluíndo a vista total da páxina orixinal a data de publicación e a cabaceira, e ademais incluírase unha copia do traballo en formato pdf nun soporte dixital CD.

O fallo do xurado será anunciado no mes de outubro, ao igual que o dia, a hora e o lugar de entrega do Premio. Igualmente, a composición do xurado dos Prêmios ATTA, así como a totalidade das bases do Premio, publicaranse oportunamente na páxina web de ATTA.