A FAPE aceptou na súa Asemblea Xeral celebrada en Sevilla a proposta da APSC de subscribirse como colectivo ao manifesto Xornalismo e Dereitos Humanos, que naceu do XII Encontro Internacional de Periodismo que organiza cada ano Javier Bauluz, premio Pulitzer español, na cidade de Xixón.

Do grupo de estudantes e profesores que forman este grupo naceu o seguinte texto:

“A Declaración Universal dos Dereitos Humanos deber ser o marco ético do xornalismo. O dereito á información é unha condición fundamental para o actuar libremente. Os xornalistas e as empresas periodísticas deben contribuír a que se respecten os dereitos humanos, e o seu labor debe poñer de manifesto todas as súas violacións. As novas tecnoloxías amplían as posibilidades de acceso a novos medios de comunicación: democratizan o dereito a informar e a ser informado, e favorecen o desenvolvemento do xornalismo dende o enfoque dos dereitos humanos. A independencia dos xornalistas é vital para a sociedade e o xornalismo é un servizo público aos cidadáns que non pode estar sometido a intereses políticos ou económicos particulares. A defensa dos Dereitos Humanos é unha das tarefas primordiais do xornalismo e os periodistas non poderán exercer o seu labor se os seus propios dereitos humanos son vulnerados”.