Diageo España vén de anunciar que xa está aberta a convocatoria 2009 do seu premio de xornalismo económico “Joven y Brillante”, dirixido a todos os profesionais da prensa, radio, televisión e internet menores de 35 anos que publiquen nalgún medio de comunicación do estado, en calquera das linguas oficiais.

Os traballos presentados serán artigos, reportaxes ou informacións publicadas, transmitidas ou emitidas entre o 1 de xaneiro e o 31 de decembro de 2008. Estes deberán ir acompañados por unha memoria explicativa da traxectoria profesional do seu autor ou autores así como os datos referentes ao medio, data de publicación ou emisión e programa no caso dos traballos audiovisuais. A presentación dos traballos poderá facerse en nome propio ou a través do/a Director/a ou Redactor/a Xefe do medio.

[Pulsa para ler o resto da noticia]

Os vindeiros 13, 14 e 15 de marzo celebrarase en Sevilla a Asemblea Xeral da FAPE, que se encadrará dentro dos actos conmemorativos do centenario da Asociación de la Prensa desta cidade. Durante o encontro, que terá por temática central a actual situación de crise económica e os efectos que esta está a ter sobre a nosa profesión, daranse a coñecer os datos do Observatorio de Seguimiento de la Crisis, organización da FAPE que estuda a situación concreta actual dos medios e profesionais españois, sobre o paro e profesionais ameazados por Expedientes de Regulación do Emprego (ERE).

[Pulsa para ler o resto da noticia]

Áurea Sánchez, finalista do Premio de Xornalismo Dora Vázquez polo artigo de opnión "Hillary no Camiño".

A nosa compañeira Áurea Sanchez Puente, membro da Directiva da APSC e da Agrupación de Mulleres Xornalistas de Santiago, foi a finalista do premio Dora Vázquez polo seu artigo de opinión “Hillary no Camiño”, no que cavila sobre a fracasada carreira cara a presidencia dos EUA da candidata demócrata Hillary Clinton.

O texto serve á súa vez como plataforma para unha análise máis ampla sobre a situación actual da muller na sociedade, un tema no que a autora vén traballando fondamente dende hai anos a través das súas colaboracións coa da Rede Europea de Mulleres Xornalistas e coa revista galega de pensamento feminista, “Andaina”.

[Pulsa para ler o resto da noticia]

As tarxetas Famedic xa foron tramitadas e atópanse á vosa disposición na oficina da APSC. Para recollelas podedes pasar pola propia oficina en horario de mañá, de 10 á 14 horas, de luns á venres.

Aqueles socios que observen erros no seu cartón, ou desexen realizar modificacións sobre  aos seus beneficiarios, por favor facédeo a través da conta de correo da asociación: apsantiagoc@hotmail.com.

A Fundación EFE xunto con Red Eléctrica de España presentaron a terceira convocatoria das bolsas de xornalismo especializado “Energía y Desarrollo Sostenible” dirixidas a estudantes de último curso de Xornalismo ou licenciados dosa nos 2007 e 2008 de calquera universidade española.

Estas bolsas teñen por obxectivo o fomento da especialización en xornalismo ambiental entre novos titulados de Ciencias da Información, na vía de Xornalismo. [Pulsa para ler o resto da noticia]

En el día elegido para honrar a la mujer, la Federación de Asociaciones de Periodistas de España (FAPE) quiere rendir homenaje a las periodistas valientes.

- A las que se atreven a denunciar su precariedad laboral aunque sepan que les costará el cargo o que nunca lo tendrán.

- A las que se atreven a permanecer firmes e impasibles ante el subordinado que las ningunea.

- A las que se atreven a contrastar informaciones y garantizar su rigor aunque ello suponga desobedecer las órdenes y las prisas de sus jefes.

- A las que se atreven a tener hijos aunque sepan que les restará puntos y les privará de muchas posibilidades en su carrera.

- A las que se atreven a desafiar al reloj y al calendario en busca de la noticia sin renunciar a su vida privada.

- A las que se atreven a negarse a presentar un telediario porque prefieren crecer como periodistas en el contacto directo con la información.

[Pulsa para ler o resto da noticia]

Miguel Ángel Barón, un dos responsables de Comunicación do Grupo MTorres, será o novo presidente da Asociación de Periodistas de Navarra, en substitución de Fátima Ruiz Bacaicoa, quen pasa a ocupar o cargo de Vicepresidenta. Jose  Miguel Montes Sáenz, responsable do Departamento de Comunicación de la Confederación de Empresarios de Navarra (CEN), asumiu as funcións de Secretario Xeral. E pola súa banda, ao frente da Tesourería estará Javier Pérez Fernández e os tamén xornalistas Santiago Arriazu, Juan Luis Práxedes Pérez e José Martínez Echalar serán, durante os próximos catro anos, os vocais da Asociación.

[Pulsa para ler o resto da noticia]

Unha ano máis, vense de publicar a nova edición do Premio de Periodismo “Ciudad de Badajoz”,  que acada así a súa sexta edición. O premio, dotado con 6.000€, está dirixido a traballos encadrados en calquera xénero xornalístico, escritos en español, que foran publicados en medios de comunicación impresos e editados en calquera lugar do mundo. O xurado terá en conta nas súas deliberacións a difusión que os textos acaden.

O tema será libre, pero o xurado prestará especial atención a aqueles traballos, publicados entre o 1 de novembro de 2008 e 30 de xuño de 2009, que desenvolvan novas técnicas profesionais e aos que se distingan pola súa innovación e calidade profesional.

[Pulsa para ler o resto da noticia]