Consciente de que as novas tecnoloxías supoñen a día de hoxe unha ferramenta indispensable dentro do eido da comunicación, dende o uso de internet ata os programas máis avanzados, a APSC organiza unha serie de cursos, dirixidos ás/aos súas/seus socias/socios, sobre fotografía dixital, Photoshop, maquetación con Indesign e FinalCut.

Os cursos, que serán totalmente de balde, impartiranse sempre que se complete un cupo mínimo de 12 alumnos por aula. Para a preinscrición enviar un mail a apsantiagoc@hotmail.com comunicando a que curso o cursos vos gustaría asistir antes do vindeiro 15 de abril. Unha vez que se acade a cifra mínina de 12 alumnos poñerémonos en contacto con vós para establecer as datas e os horarios das clases que se adaptarán na maior medida posible á vosa dispoñibilidade.

Para poderán asistir aos cursos aqueles socios da APSC que traballen en prensa diaria, estean parados ou sexan autónomos e se atopen ao día no pago das súas cotas.