Aberta a convocatoria da II edición do premio de xornalismo radiofónico “Pepe Andreu”
A universidade Miguel Hernández de Elche e a Asociación de la Prensa de Alicante (APA) presentan a segunda edición do premio de xornalismo radiofónico “Pepe Andreu”, ao que poderán optar traballos emitidos por calquera emisora nacional ou internacional, baseados no mundo da cultura, ciencia, deporte e a docencia, que teñan unha duración de entre cinco e sesenta minutos.
Para a/o finalista establécese un premio único de 3.000 euros, que será aportado pola Universidad Miguel Hernández. O prazo de inscrición remata o 30 de setembro de 2009.
