A Federación Internacional de Periodistas (FIP) e a Federación de Periodistas de América Latina y el Caribe (FEPALC) condenaron a brutal morte do veterano xornalista colombiano, José Everardo Aguilar, quen foi asasinado no seu propio domicilio, situado no municipio de El Patía, a uns 450 quilómetros do sur de Bogotá.

Aguilar, de 72 anos e era pai de dez fillos. Tiña espazos radiofónicos na emisora Bolívar Estéreo e no Canal Local de Bordo, ademais de ser correspondente de Radio Súper Popayán. Segundo relatou o director de esta última emisora, un descoñecido achegouse ata a casa do periodista e ofreceulle entregarlle unhas fotografías e documentos. Cando José Everardo Agquilar solicitou velos, recibiu seis disparos a queimarroupa que lle causaron a morte de xeito inmediato. O asasino fuxiu camiñando tranquilamente.

“Este é o pico máis alto dunha seguidilla de ataques contra colegas en todo o país”, declarou Eduardo Márquez, presidente da Federación Colombiana de Periodistas (FECOLPER) e vicepresidente da FEPALC, quen lembrou que “no que vai de ano, rexistráronse 40 agresións contra xornalistas en Colombia”.

Os periodistas da rexión renden agora homenaxe á valentía de Everardo Aguilar e lembran como ante as ameazas continuas que recibía o xornalista polas súas denuncias de casos de corrupción no departamento do Cauca e Norte de Nariño, o Everardo acostumaba a responder: “Ninguén me vai calar”.

A FECOLPER reiterou que neste asasinato búscase atemorizar e silenciar á prensa, vulnerando o dereito de toda a sociedade a obter información veraz.

A FIP únese aos seus colegas colombianos e á FEPALC na súa demanda para que cesen este tipo de crimes e para que remate tamén a impunidade coa que se comenten a maioría deles.