A presidenta da Federación de Asociacións de Periodistas de España (FAPE), Magis Iglesias, foi recibida en Raxoi polo alcalde compostelán, Xosé A. Sánchez Bugallo. Na reunión tamén participou a Xunta Directiva da Asociación de Periodistas de Santiago de Compostela (APSC), encabezada polos seu presidente, Luís Menéndez.

[Pulsa para ler o resto da noticia]

A Federación de Asociaciones de Periodistas de España (FAPE), que agrupa a máis de 14.000 profesionais, anima aos xornalistas a “protestar preguntando” cando se vexan privados do seus dereito a interpelar nas cada vez máis habituais roldas de prensa e comparecencias sen preguntas.

A FAPE formula esta solicitude ante a tendencia crecente de partidos políticos, administración e outras institucións e colectivos a realizar convocatorias onde se nega a palabra aos informadores. Para a FAPE, “isto supón un intolerable ataque contra o máis elemental servizo que á sociedade prestan os xornalistas, básico para que exista liberdade de expresión e se acentúe a busca da verdade, principio sagrado da profesión”.

[Pulsa para ler o resto da noticia]

A recepción programada na alcaldía coa presidenta da Federación de Asociaciones de Periodistas de España (FAPE), Magis Iglesias, para este 4 de abril  ádiase por problemas de axenda do rexedor e queda finalmente fixada para ás 13.15 no Pazo de Raxoi.

Á recepción asistirán asemande a Xunta Directiva da Asociación de Periodistas de Santiago de Compostela (APSC) para tratar diferentes cuestións como a posible organización dun congreso europeo de xornalistas en Santiago no 2010 ou a creación dun novo premio xornalístico.

O vindeiro sábado 4 de abril, a presidenta da FAPE, Magis Iglesias visitará Santiago de Compostela para impartir unha conferencia na Universidade desta cidade baixo o título “Parlamento, sitio distinto”, sobre a información política que se realiza dende as propias Cortes.

Aproveitando este feito, a presidenta de FAPE reunirase coa Xunta Directiva da APSC para conversar sobre as últimas novidades e a recente visita do presidente da Asociación de Santiago, Luis Menéndez, a Bruxelas.  Asemade, está programada unha recepción co alcalde de Santiago no Pazo de Raxoi, ás 12:30 horas, na que estará presente toda a Xunta Directiva e a propia Magis.

O presidente da APSC,  Luís Menéndez,  acaba de chegar de Bruxelas onde, como representante para o exterior de FAPE, mantivo varios encontros coa Federación Internacional de Xornalistas (FIJ), entre eles, co secretario xeral, Aidan White e  o presidente da sección europea da FIJ, Arne König.

O motivo das reunións foi fundamentalmente a situación dos xornalistas españois, representados por FAPE, nesta instituución profesional internacional -que representa a 600.000 xornalistas en todo o mundo- e, máis en concreto, a celebración no vindeiro ano do Congreso Internacional da FIJ en Cádiz e a posibilidade de celebrar o Congreso Europeo no mes de abril na cidade de Santiago de Compostela. [Pulsa para ler o resto da noticia]