A Universidade Internacional Menéndez Pelayo (UIMP) organiza en colaboración coa Federación de Asociaciones de Periodistas de España (FAPE) un curso baixo o título “Los periodistas ante el dolor” que se celebrará en Santander do 24 ao 28 de agosto.

Durante as mañás terán lugar as ponencias e polas tardes será o tempo para os diferentes debates organizados. Entre os conferenciantes do curso atópanse profesionais do mundo da comunicación como a presidenta da FAPE, Magis Iglesias; a xornalista Rosa María Calaf,  ou o xornalista Florencio Domínguez; pero tamén representantes de outros ámbitos como o director da Delegación do Goberno de Violencia de Xénero, Miguel Lorente, o xuíz Grande-Marlaska ou o membro do Comité Nacional de Bioética, Pablo Simón. [Pulsa para ler o resto da noticia]

Aprobada a Declaración de Varna (Bulgaria), un dramático chamamento para manter a ética do xornalismo fronte á descomposición que provoca a crise económica

- “O pluralismo informativo está ao borde do colapso”, Aidan White, secretario xeral da FEP

- A FEP aprobou una moción de FAPE en defensa dos xornalistas ameazados por ETA

Varna (Bulgaria).- A Federación Europea de Periodistas (FEP), que celebrou a súa asemblea anual o pasado 17 de maio en Varna (Bulgaria), debateu a fondo a crise da economía e a profesión xornalística, así como as ameazas que pesan sobre os medios tradicionais en Europa. A FEP acusou á Comisión Europea e ao seu presidente, Jose Manuel Barroso, de fomentar a cultura da “neglixencia e os propios intereses” ao tratar o tema dos medios e non atender ás peticións dos representantes dos xornalistas europeos.

A FEP, que constitúe a maior organización de xornalistas de Europa con máis de 250.000 afiliados, afirmou que a Comisión non amosou a menor interese en facer fronte ao perigoso potencial da crise respecto ao pluralismo informativo e á democracia en Europa, nun momento no que diarios e grupos audiovisuais –incluídas as canles públicas- loitan para facer fronte a un horizonte de problemas sen precedentes, que sitúa a centos de medios ao borde do peche.

[Pulsa para ler o resto da noticia]

A Federación Internacional de Periodistas (FIP) desmentiu que o Colexio Profesional de Xornalistas de Galicia ingresase como tal na FIP, como confirmou a súa Secretaría Xeral.

Os afiliados da FIP no Estado son: a FAPE (Federación de Asociaciones de Periodistas de España), o sector de medios da FSC-CCOO, a Federación de Comunicación do sindicato ELA-HAINBAt e a Federación de Sindicatos de Periodistas (FeSP).

O carné da FIP pode ser distribuído en España só en nome e baixo a responsabilidade de esas catro asociacións.

A Universidade de Santiago de Compostela (USC) pretende dar a coñecer a rota xacobea en Galicia como un espazo de comunicación, nunha paisaxe diferenciada, tanto no rural coma no urbano, e cuns valores histórico-artísticos de gran importancia no propio Camiño e na súa contorna.

Por esta razón, a USC pon en marcha, dentro das actividades enmarcadas na súa Universidade de Verán, un curso sobre Camiño se Santiago, Paisaxe e Comunicación, a través do cal tentará descubrir o patrimonio arquitectónico, artístico e paisaxístico desta ruta milenaria en Galicia, fortalecer o desenvolvemento dos valores de solidariedade e de amizade, coñecer e fomentar a ampla riqueza cultural do Camiño e contribuír ao respecto e á divulgación desas características que o fixeron patrimonio da humanidade.

[Pulsa para ler o resto da noticia]

A asemblea anual da EFJ (European Federation of Journalists), que se celebrou esta din de semana na localidade búlgara de Varna, aprobou unha moción presentada pola Federación Española de Asociacións de Periodistas (FAPE) para a defensa da liberdade de prensa en Euskadi.

Na mesma especifícase o apoio aos xornalistas que traballan baixo ameazas por parte da organización terrorista ETA e grupos afíns que “provocan múltiples extorsións contra a liberdade de prensa e en especial contra xornalistas que exercen tan dereito constitucional”. Así, púxose de manifesto que aínda hoxe hai 43 xornalistas que traballan con escolta, outros deben cambiar con frecuencia de residencia e moitos reciben ameazas anónimas contra a súa vida e as súas familias.

[Pulsa para ler o resto da noticia]

A Federación de Asociaciones de la Prensa de España (FAPE) e AXA Seguros e Inversiones, a través de Simón e Parra asociados, veñen de asinar un convenio de colaboración polo que todos os membros de FAPE e os seus familiares poderán beneficiarse dunhas vantaxes substanciais que chegan ata un 30% de desconto na contratación de diversos seguros e outros productos.

O convenio deixa aberta a colaboración para o lanzamento de campañas futuras, ademais dos productos que se ofrecen permanentemente, que permitirán aos membros de FAPE e os seus familiares acollerse a unhas condicións excepcionais.

O acordo exclusivo AXA-FAPE,  a través de Simón y Parra Asociados, para membros de FAPE, familiares e empregados das asociacións, é tamén válido para as propias Asociacións. As ofertas son para novos clientes de AXA de xeito individualizado, sendo preciso que o titular do carné FAPE se acredite coa tarxeta de xornalista.

[Pulsa para ler o resto da noticia]

A Asociación de Periodistas de Santiago de Compostela (APSC) vén de asinar un convenio de colaboración co centro de Talasoterapia Talaso Atlántico  que permitirá que as/os nosas/os socias/os poidan acceder os servizos que ofrece esta empresa gozando duns vantaxosos prezos.

Que é Talaso Atlántico?

TALASO ATLÁNTICO, S.A. é o primeiro Centro de Talasoterapia creado na Comunidade Autónoma Galega que aporta servizos de hotelería, restauración e termalismo. Está situado no Cabo Silleiro, no concello de Oia  (Pontevedra).

A que servizos poden acceder as/os socias/os?

Mediante este convenio O Complexo Termal  Talaso Atlántico  comprométese a conceder aos asociados da APSC condicións preferentes no aceso ao Complexo Termal que comercializa  servizos de Hotel, Restauración  e asistencia no Balneario segundo as seguintes condicións:
[Pulsa para ler o resto da noticia]

O presidente da Xunta de Galicia, Alberto Núñez Feijóo, comprometeuse este sábado nun encontro con membros da Federación de Asociacións de Xornalistas de España (FAPE) a velar polo carácter público da Compañía de Radiotelevisión de Galicia (CRTVG).

O xefe do Executivo galego tamén se comprometeu a apoiar a candidatura presentada polo presidente da Asociación da Prensa de Santiago de Compostela (APSC), Luís Menéndez, para que Santiago de Compostela acolla o próximo Congreso Anual de Xornalistas Europeos, en abril de 2010.

A audiencia, celebrada en Santiago de Compostela, serviu de primeira toma de contacto entre o novo presidente galego e a Xunta Directiva de FAPE, encabezada pola presidenta da organización, Magis Iglesias e o seu secretario xeral, Javier Arenas. [Pulsa para ler o resto da noticia]

A Xunta Directiva de FAPE e a Asociación de Periodistas de Santiago (APSC)  apoian e comparten os obxectivos do Manifesto de Comisións Obreiras (CC OO) e animan á participación nos actos do día 7 “en defensa do emprego de calidade” nos medios de comunicación.

MANIFESTO DO SECTOR DE MEDIOS DE COMUNICACIÓN DE  FSC-CCOO EN DEFENSA DO EMPREGO DE CALIDADE

Desde o Sector de Medios de Comunicación de FSC-CCOO e a través das seccións sindicais e delegados de CC OO convocamos os profesionais dos medios de comunicación para que o 7 de maio se mobilicen en denuncia da situación de crise e en defensa do emprego de calidade, a mellor garantía para que os medios tamén ofrezan a mellor información á cidadanía.

[Pulsa para ler o resto da noticia]

O Grupo Mercantis precisa incorporar ao seu equipo de traballo unha persoa en réxime de bolsa retribuída que se encargará da comunicación cos medios e axencias de comunicación, tratando sempre de transmitir de xeitos eficaz a imaxe da empresa, os seus eventos e o lanzamento dos seus proxectos.

Entra as súas funcións estarán a de redacción de notas de prensa e textos comerciais, así como a actualización de bases de datos, organización de eventos, tarefas administrativas, contacto con axencias de comunicación. A/O candidata/o traballará en equipo para o desenvolvemento de campañas de comunicación e marketing.

[Pulsa para ler o resto da noticia]