A asemblea anual da EFJ (European Federation of Journalists), que se celebrou esta din de semana na localidade búlgara de Varna, aprobou unha moción presentada pola Federación Española de Asociacións de Periodistas (FAPE) para a defensa da liberdade de prensa en Euskadi.

Na mesma especifícase o apoio aos xornalistas que traballan baixo ameazas por parte da organización terrorista ETA e grupos afíns que “provocan múltiples extorsións contra a liberdade de prensa e en especial contra xornalistas que exercen tan dereito constitucional”. Así, púxose de manifesto que aínda hoxe hai 43 xornalistas que traballan con escolta, outros deben cambiar con frecuencia de residencia e moitos reciben ameazas anónimas contra a súa vida e as súas familias.

Por último constatouse que a banda terrorista ETA asasinou a dous xornalistas (Jose Maria Portell e Jose Luis López de la Calle) e feriu de gravidade a outros dous (Jose Javier Uranga e Gorka Landáburu), nos últimos anos.

A moción foi aprobada polos delegados de 28 países de Europa, exceptuando a abstención de Noruega.