A Universidade de Santiago de Compostela (USC) pretende dar a coñecer a rota xacobea en Galicia como un espazo de comunicación, nunha paisaxe diferenciada, tanto no rural coma no urbano, e cuns valores histórico-artísticos de gran importancia no propio Camiño e na súa contorna.

Por esta razón, a USC pon en marcha, dentro das actividades enmarcadas na súa Universidade de Verán, un curso sobre Camiño se Santiago, Paisaxe e Comunicación, a través do cal tentará descubrir o patrimonio arquitectónico, artístico e paisaxístico desta ruta milenaria en Galicia, fortalecer o desenvolvemento dos valores de solidariedade e de amizade, coñecer e fomentar a ampla riqueza cultural do Camiño e contribuír ao respecto e á divulgación desas características que o fixeron patrimonio da humanidade.

O prazo de matrícula en liña para o curso, que se impartirá do 17 e o 31 de xullo, ábrese o vindeiro 25 de maio. A Universidade tamén oferta tres bolsas matrícula gratuíta. Para máis información sobre as bolsas, a matrícula e o programa do cursos prema aquí.