Aprobada a Declaración de Varna (Bulgaria), un dramático chamamento para manter a ética do xornalismo fronte á descomposición que provoca a crise económica

- “O pluralismo informativo está ao borde do colapso”, Aidan White, secretario xeral da FEP

- A FEP aprobou una moción de FAPE en defensa dos xornalistas ameazados por ETA

Varna (Bulgaria).- A Federación Europea de Periodistas (FEP), que celebrou a súa asemblea anual o pasado 17 de maio en Varna (Bulgaria), debateu a fondo a crise da economía e a profesión xornalística, así como as ameazas que pesan sobre os medios tradicionais en Europa. A FEP acusou á Comisión Europea e ao seu presidente, Jose Manuel Barroso, de fomentar a cultura da “neglixencia e os propios intereses” ao tratar o tema dos medios e non atender ás peticións dos representantes dos xornalistas europeos.

A FEP, que constitúe a maior organización de xornalistas de Europa con máis de 250.000 afiliados, afirmou que a Comisión non amosou a menor interese en facer fronte ao perigoso potencial da crise respecto ao pluralismo informativo e á democracia en Europa, nun momento no que diarios e grupos audiovisuais –incluídas as canles públicas- loitan para facer fronte a un horizonte de problemas sen precedentes, que sitúa a centos de medios ao borde do peche.

A estrutura tradicional do pluralismo informativo –que é a base da que depende a democracia en Europa- está a punto do colapso”, afirmou Aidan White, secretario xeral da FEP, quen engadiu: “Ata agora os líderes da Comisión Europea mantivéronse distantes. Incluso abstivéronse de manter encontros serios cos líderes da profesión xornalística para discutir a crise.”

Por outra banda, na reunión de Bulgaria, á que asistiron representantes de 28 países, aprobouse por unanimidade a chamada “Declaración de Varna”, un dramático chamamento para a supervivencia dos medios, a ética do periodismo e o mantemento dos postos de traballo dos xornalistas quen diariamente son presa da crise económica que afecta a todos os países europeos sen excepción.

Asemade, os asembleístas aprobaron unha moción presentada por Luis Menéndez, representante de FAPE para as relación exteriores e membro da executiva federal, de apoio e defensa dos periodistas ameazados por ETA. Así, constatouse que aínda hoxe en día hai 43 xornalistas que viven con escolta no País Vasco, e outros moitos deben cambiar de domicilio debido ás ameazas da banda terrorista.