A XI edición do premio contempla unha dotación de 4000 euros e recoñece o traballo periodístico, publicado entre o 1 de xaneiro e o 30 de setembro de 2009,  que trate sobre os refrescos no ámbito social ou que reflexione sobre a importancia das bebidas refrescantes na economía. Tamén se poderán presentar guións de emisións radiofónicas e de televisión, autentificados co selo da emisora correspondente.

Para máis información, visite a web de ANFABRA: www.anfabra.es ou póñase en contacto coa Asociación Nacional de Fabricantes de Refrescos  a través do enderezo comunicación@anfabra.es

O I Curso Internacional de Libertad de Expresión, organizado pola Asociación de Prensa de Cádiz e a Universidade de Sevilla, desenvolverase do 14 ao 16 de setembro en Chiclana de la Frontera (Cádiz), no marco da conmemoración do bicentenario das Cortes de Cádiz.

Neste curso profundizarase sobre a prensa e a liberdade de expresión en Iberoamérica ou sobre os novos valores e conflitos sociais. Tamén se analizará a democracia e a súa función social informativa.

[Pulsa para ler o resto da noticia]

A Federación de Asociacións de Periodistas de España (FAPE), por acordo coa Asociación de Editores de Diarios Españoles (AEDE), organiza dous cursos online sobre Periodismo dixital e Maquetación dixital con InDesign que se celebrarán nos meses  de setembro e outubro.

O curso de Periodismo dixital ten unha duración de 40 horas. Comeza o 30.09.2009 e finaliza o 28.10.2009. O curso de Maquetación dixital con Indesign ten tamén unha duración de 40 horas e desenvolverase do 23.09.2009 ao 21.10.2009.

[Pulsa para ler o resto da noticia]

A Asociación da Prensa de Santiago de Compostela (APSC) manifesta o seu rexeitamento unha vez máis (ao igual que fixera anteriormente, en 1997, 2001 e 2005) aos nomeamentos para os cargos de conselleiros do consello de Administración da CRTVG e do consello asesor da RTVE-G que recaeron, por parte dos tres partidos políticos galegos PP, PSOE e BNG, maioritariamente en persoas alleas por completo á profesión xornalística, en virtude de preferencias políticas ou compromisos. Nesta ocasión hai que salientar que, alomenos, tanto o PP coma o PSdeG-PSOE nomearon, cada un, dous coñecidos xornalistas, sendo excepción, xa que só representan ao 33% dun consello da CRTVG composto por doce membros entre os que hai industriais, profesores, sindicalistas, avogados, funcionarios e edís municipais. No caso do consello asesor de RTVE-G tamén vai incrementándose o número de especialistas e nos últimos nomeamentos, dos trece compoñentes, seis son xornalistas (3 do PP, 2 do PSOE e 1 do BNG).
[Pulsa para ler o resto da noticia]

Xa está a disposición de todos os asociados o novo cadro médico de Famedic en Galicia, que se pode consultar a través do enlace que temos na nosa páxina, e a continuación, buscando no epígrafe “cuadro médico”. Esta actualización fíxose necesaria despois de que se detectaran algúns erros no anterior listado, que xa foron subsanados e corrixidos.

Cómpre destacar o importante aumento de servizos en Santiago de Compostela onde aparecen recollidas todas as especialidades da Clínica Gaiás. Nos próximos días este cadro completarase con outros servizos que iremos anunciando a medida que se produza a incorporación.

[Pulsa para ler o resto da noticia]

A Consejería de Educación y Colectivos Sociales de Melilla convoca a sexta edición do premio de xornalismo Carmen Goes, destinado a traballos periodísticos que defendan e difundan os valores vencellados á igualdade de sexos e á promoción da muller na sociedade.

O premio, cunha dotación de 2000 euros, será outorgado para as modalidades de prensa, radio e TV. A recepción de solicitudes está aberta ata o 30 de outubro de 2009.

Pulse nesta ligazón para consultar as bases.

Luís Menéndez, Jesús Pérez Gil e Manuel L.Torrente

O presidente da APSC, Luis Menéndez Villalba, e Jesús Pérez Gil, Conselleiro Delegado de Talaso Atlántico asinaron a semana pasada un engadido ao convenio en vigor con este balneario polo que os beneficios para os socios da APSC se fan extensivos a todos os membros da FAPE. Os devanditos beneficios tamén se lle aplican a un  acompañante por socio.

Pode consultar en detalle as condicións de aplicación do convenio na seguinte ligazón:

http://periodistascompostela.org/index.php/2009/05/14/o-primeiro-centro-de-talasoterapia-de-galicia-asina-un-convenio-coa-apsc-con-descontos-para-sociasos/

Os titulares do carné FAPE e os seus familiares directos teñen un desconto nas clínicas Novovisión (Madrid, Murcia e Almería) de ata o 30% en cirurxía refractaria e consultas oftalmolóxicas, do 25% en cirurxía refractaria esférica e do 10% noutros tratamentos, así como probas preoperatorios gratuítas.

Pola súa banda, as clínicas de estética Novosalud (Madrid) ofrecen descontos de ata o 20% en tratamentos de depilación láser, rexuvenecemento facial, remodelación corporal, estética dental, ortodoncia e podoloxía.
[Pulsa para ler o resto da noticia]

Vigo, 4 de xuño de 2009. Ante a evolución que segue o conflito laboral do sector do metal de Vigo e a indiscriminada espiral de violencia que se desatou, a Asociación da Prensa de Vigo condena o comportamento violento que está a tomar este conflito laboral, que está a converterse nun conflito de orde pública.

A Asociación condena o emprego da violencia que causou lesións a dous xornalistas e que tamén sembrou o caso durante a mañá do día 4 de xuño en varios puntos da cidade, con grave risco para a cidadanía.

[Pulsa para ler o resto da noticia]

A decisión de cancelar a emisión da reportaxe sobre as vacas tolas é propia de tempos que creíamos superados

Santiago, 4 de xuño de 2009.- A Federación Galega de Periodistas (FEGAPE) entende que a cancelación da emisión do programa da Televisión de Galicia “A caixa negra” sobre a crise das vacas tolas previsto para a noite do pasado martes, 2 de xuño, é de todo punto censurable, xa que fai evidente o control político que se exerce sobre os contidos da programación do devandito medio público.

A situación tórnase se cadra máis grave ao valorar as explicacións dadas polos directivos da Compañía e polo propio presidente da Xunta. Mentres os primerios admiten que nin siquera visionaron o programa e que adoptaron a decisión por non perxudicar a un determinado sector económico, o segundo lle bota a culpa á petición dun sindicato agrario, olvidando cos medios públicos son propiedade de todos, e polo tanto, no caso da TVG, a sociedade ten dereito a dispor dunha televisión plural e sensible a todas as opinións, por moi críticas que algúns lles poidan parecer.

[Pulsa para ler o resto da noticia]