Vigo, 4 de xuño de 2009. Ante a evolución que segue o conflito laboral do sector do metal de Vigo e a indiscriminada espiral de violencia que se desatou, a Asociación da Prensa de Vigo condena o comportamento violento que está a tomar este conflito laboral, que está a converterse nun conflito de orde pública.

A Asociación condena o emprego da violencia que causou lesións a dous xornalistas e que tamén sembrou o caso durante a mañá do día 4 de xuño en varios puntos da cidade, con grave risco para a cidadanía.

A Asociación da Prensa de Vigo tamén reclama o máximo respecto para o traballo dos xornalistas que seguen estes acontecementos na rúa, a quen se lles debe garantir o exercicio do dereito a informar libremente, sen ameazas, coaccións nin outros riscos.