Os xornalistas teñen que regresar ás orixes e recuperar os valores éticos da profesión para ofrecer un xornalismo de calidade e poder sobrevivir á grave crise estructural que padece o sector. Esta é unha das conclusións do curso La prensa en crisis: hacia un cambio de modelo, que dirixiu a presidenta da Federación de Asociaciones de Periodistas de España (FAPE), Magis Iglesias, na Universidade de Málaga entre o 6 e o 10 de xullo de 2009.

A presidenta da FAPE reinvindicou o “rearme moral” do xornalismo, que se erixirá en “rearme moral” da sociedade. Magis Iglesias explicou que través de ERES, despidos e prexubilación masivas, os profesionais da información pagan agora as consecuencias da atomización de medios en España, das axudas directas á prensa e do conseguinte sometemento das empresas de comunicación ao poder político.

No desenvolvemento do curso, o profesor Bernardo Díaz Nosty, director da Cátedra UNESCO de Comunicación da Universidade de Málaga, considerou a “prospección” como factor clave para lograr que o xornalismo de calidade sobreviva á irrupción de Internet, aos recortes presupostarios e aos modelos de negocio a corto prazo predominantes hoxe en día.

Tanto Díaz Nosty como Magis Iglesias lembráronlles aos xornalistas o seu papel de mediadores entre o poder e a cidadanía e motivaron o exercicio dun xornalismo de valor engadido que volva cativar o lector.