Convocada a 6ª edición do Premio periodístico “El Cava”
O Consejo Regulador del Cava convoca a 6ª edición do Premio periodístico “El Cava”, cunha dotación de 12.000 euros para cada unha das tres modalidades recoñecidas: prensa, radio e televisión. O xurado premiará os traballos periodísticos que divulguen a cultura do cava e potencien o seu prestixio.
Os traballos deberán ter sido publicados ou emitidos durante o período comprendido entre febreiro de 2008 e xaneiro de 2010 e o seu prazo de recepción finaliza o 28 de febreiro de 2010.
No caso dos traballos publicados en prensa, as pezas terán que ir asinadas co nome do autor. No caso de teren sido publicados con pseudónimo ou sen firma, o director do medio terá que certificar o nome do autor. Amais, deberán entregarse dúas copias do artigo publicado, especificando os datos completos do concursante, título e data de publicación.
No caso de programas ou espazos de televisión, haberá que entregar unha copia xunto cun certificado do director da cadea en que se acredite o título, data e hora de emisión.
Para o caso da radio, abonda con entregar unha única copia do programa presentado tal e como foi emitido, xunto co certificado do director da emisora en que se acredite o título, data e hora de emisión.
Os traballos entregaranse en:
Oficinas del Consejo Regulardor del Cava
Avenida de Tarragona, nº 24
Villafranca del Penedès
08720 Barcelona
