A organización dos premios Daniel Pearl ás mellores investigacións periodísticas internacionais abriu o seu prazo de recepción de traballos, que finalizará o 15 de xaneiro de 2010. Outorgaranse dous premios de 5.000 dólares cada un, o primeiro para periodistas de Estados Unidos e o segundo para periodistas do resto do mundo. Ademais tamén se entregarán premios de 1.000 dólares a cada un dos cinco traballos finalistas.

O concurso convócase cada dous anos e está aberto a periodistas de todas as nacionalidades en calquera medio de comunicación. O requisito principal é que a investigación, ben sexa un traballo individual ou unha serie sobre un mesmo tema, estea elaborada en alomenos dous países. Un xurado internacional, integrado por cinco periodistas, seleccionará os gañadores.

Os traballos teñen que ter sido publicados entre o 1 de xaneiro de 2008 e o 31 de decembro de 2009 para ser elixibles. Se están realizados noutro idioma distinto de inglés deberán acompañarse dunha tradución.

O Consorcio Internacional de Periodistas de Investigación (ICIJ) organiza os premios Daniel Pearl. O seu obxectivo é procurar o recoñecemento ao periodismo de investigación que trascende as fronteiras nacionais. Para obter máis información sobre os premios Daniel Pearl, consulte o seguinte enderezo de ICJ: www.icij.org