Os artigos, reportaxes de prensa, programas de radio ou televisión e publicidade publicados ou emitidos durante o período comprendido entre o 1 de xullo de 2008 e o 15 de setembro de 2009 poderán participar na modalidade de comunicación dos Premios IMSERSO Infanta Cristina.

O Instituto de Mayores y Servicios Sociales (IMSERSO) convoca estes premios que, na súa modalidade de comunicación, terán en conta a contribución á sensibilización da sociedade, así como á integración social de maiores, persoas dependentes ou en risco de dependencia.

A dotación económica é de 20.000 euros que pode recaer nun único premio entre as diversas modalidades existentes ou ben pode repartirse entre varias delas. Os traballos deberán estar realizados en castelán ou en calquera das linguas oficiais do Estado. Neste último caso, deberase enviara tradución do texto ou subtitularse en castelán. O prazo de admisión de traballos finaliza o 15 de setembro de 2009.

As bases pódense consultar na páxina web do IMSERSO: www.imserso.es