A Federación de Asociaciones de Periodistas de España (FAPE) lamenta que a Audiencia Nacional arquive o caso do cámara ferrolán, José Couso. O cámara de televisión faleceu como consecuencia dun disparo, procedente dun carro de combate estadounidense, en marzo de 2003 en Bagdad (Irak).

A FAPE sinala que é unha mala noticia para a liberdade de prensa o feito de que a morte dun compañeiro quede impune e solidarízase coa familia do reporteiro gráfico na súa loita por aclarar a verdade e facer xustiza.

O Consejo Regulador del Cava convoca a 6ª edición do Premio periodístico “El Cava”, cunha dotación de 12.000 euros para cada unha das tres modalidades recoñecidas: prensa, radio e televisión. O xurado premiará os traballos periodísticos que divulguen a cultura do cava e potencien o seu prestixio.

Os traballos deberán ter sido publicados ou emitidos durante o período comprendido entre febreiro de 2008 e xaneiro de 2010 e o seu prazo de recepción finaliza o 28 de febreiro de 2010.

[Pulsa para ler o resto da noticia]

A Asociación de la Prensa de Madrid, o Col.legi de Periodistes de Catalunya, o Colexio Profesional de Xornalistas de Galicia e a Unió de Periodistes Valencians apoian un plan de axuda gobernamental ao sector dos medios, sempre que teña como obxectivo a defensa do traballo, a creación de emprego de calidade e o mantemento da dignidade profesional dos profesionais do xornalismo.
 
Nesta declaración conxunta, as catro entidades expoñen que as axudas do Goberno teñen que servir para crear postos de traballo e non para financiar expedientes de regulación de emprego ou despedimentos. Na súa proposta formulan que, para superar a actual crise que se vive nos medios, é preciso apostar pola calidade profesional e por un maior respecto ás normas éticas e deontolóxicas.

[Pulsa para ler o resto da noticia]

Reporteros sin Fronteras lamenta a morte de Bernardo Rivera, xornalista que apareceu morto o pasado 8 de xullo nunha fosa na zona de Copán, en Honduras. O xornalista estaba desaparecido desde o 14 marzo de 2009, data en que foi secuestrado por unha banda organizada moi coñecida polas súas actividades delictivas.

A organización denuncia o ambiente de inseguridade existente en Honduras e a tardanza das autoridades en tomar estes asuntos en serio, xa que desde comezos de 2009 mataron a tres xornalistas neste país.

Os xornalistas teñen que regresar ás orixes e recuperar os valores éticos da profesión para ofrecer un xornalismo de calidade e poder sobrevivir á grave crise estructural que padece o sector. Esta é unha das conclusións do curso La prensa en crisis: hacia un cambio de modelo, que dirixiu a presidenta da Federación de Asociaciones de Periodistas de España (FAPE), Magis Iglesias, na Universidade de Málaga entre o 6 e o 10 de xullo de 2009.

A presidenta da FAPE reinvindicou o “rearme moral” do xornalismo, que se erixirá en “rearme moral” da sociedade. Magis Iglesias explicou que través de ERES, despidos e prexubilación masivas, os profesionais da información pagan agora as consecuencias da atomización de medios en España, das axudas directas á prensa e do conseguinte sometemento das empresas de comunicación ao poder político.

[Pulsa para ler o resto da noticia]

A Autoridad portuaria da Bahía de Algeciras e a Asociación da Prensa del Campo de Gibraltar convocan a 10ª edición do concurso periodístico “Puerto Bahía de Algeciras”, coa finalidade de difundir e destacar a importancia da actividade do porto de Algeciras.

O tema elixido para esta edición é a integración porto-cidade e poden participar reportaxes publicadas en prensa, radio, televisión ou Internet, entre o 1 de xaneiro e o 6 de novembro de 2009. O traballo gañador recibirá 1.500 euros e 1.000 euros serán para o clasificado en segundo lugar. Ademais, os traballos poden presentarse en calquera idioma. No caso de que non sexa castelán, haberá que achegar unha tradución nesta lingua.

[Pulsa para ler o resto da noticia]

De esquerda a dereita, Baldomero Cores, Raimundo García Paz e Benxamín Vázquez

O certame pretende honrar o labor xornalístico do promotor da xeración de La Noche coa entrega do Premio Raimundo García Domínguez, Borobó

A Asociación entregará o premio na clausura da I Xornada sobre Periodismo de Opinión, que se celebrará en Compostela na segunda quincena de outubro

A Asociación de Periodistas de Santiago de Compostela convocou hoxe a 1ª edición do certame Raimundo García Domínguez, Borobó, que se abre o 10 de xullo de 2009, data que coincide co aniversario de nacemento do xornalista. O premio, cunha dotación de 4.000 euros, outorgarase ao autor dun artigo inédito na celebración da I Xornada sobre Periodismo de Opinión, que se desenvolverá na segunda quincena de outubro de 2009. O obxectivo deste certame é honrar a memoria e o labor periodístico do promotor da xeración de La Noche.

[Pulsa para ler o resto da noticia]

A Asociación de Periodistas de Santiago de Compostela presenta mañá, día 9 de xullo, ás 13.00 horas, no Club Internacional de Prensa, a 1ª edición do certame Raimundo García Domínguez, Borobó. A APSC pretende, con este certame, honrar a memoria e o labor periodístico do promotor da xeración de La Noche.

O fillo de Borobó, Raimundo García Paz, achegará a visión do perfil humano e profesional de seu pai. Na súa comparecencia tamén se proporcionarán os datos sobre o I Certame e Xornada de Periodismo de Opinión, unha iniciativa da Asociación de Periodistas de Santiago de Compostela.

O periodista Gabriel Fino Noriega, de 42 anos, corresponsal da emisora nacional Radio América, foi asasinado o pasado 3 de xullo no municipio San Juan Pueblo, na rexión de Atlántida, na costa caribeña de Honduras, segundo informa Reporteros sin Fronteras.

Segundo explica a organización, o seu asasinato non está relacionado coa crise política que atravesa o país. Uns descoñecidos atacárono cando saía da emisora local Radio Estelar onde presentaba un boletín diario. Fino Noriega convértese no terceiro periodista que matan en Honduras neste ano.

Spanair ofrece un desconto do 25% en todas as tarifas da compañía para o titular e acompañante do carné FAPE. Estas condicións aplícanse de xeito inmediato, tras o peche dun acordo entre a compañía aérea e a Federación de Asociacións de Periodistas de España (FAPE). Este desconto non ten efecto a cargos de emisión, taxas nin tampouco a voos en código compartido operados por outras compañías.

Para comprar o voo existen dous procedementos. En primeiro lugar, chamando a Spanair Center ao 902 13 14 15 en horario de 06:00 a 00:00 horas, calquera día da semana. Só é necesario acreditar unha vez a condición de periodista, enviando copia do carné FAPE (anverso e reverso) e do DNI ou pasaporte, ben a través do fax 91 114 11 00 ou ben a través do correo electrónico: documentacion@spanair.com.

[Pulsa para ler o resto da noticia]