A Federación de Asociaciones de Periodistas de España (FAPE), a través dun acordo coa Asociación de Editores de Diarios Españoles (AEDE), organiza catro cursos de inglés en liña, de nivel elemental, básico, avanzado e máster. A duración de todos os cursos é de 70 horas, impártense do 15 de setembro ao 17 de novembrode 2009, teñen horario libre e están dirixidos a traballadores do convenio de prensa diaria e autónomos asociados á FAPE.

Para máis información, consulte o enlace da empresa que imparte os cursos, Editrain: http://www.editrain.com/content/pagina3.php?pID=259

Ou póñase en contacto con Ana de Pablo a través do seguintes medios:

Tel : 915914254
Fax: 915943053
Correo electrónico: adepablo@editrain.com

O xuíz da Audiencia Nacional, Fernando Grande-Marlaska, propuxo a necesidade dun código ético que regule a cobertura de informacións sobre terrorismo, coa finalidade de evitar situacións que lles poidan afectar ás vítimas ou que poñan en risco o proceso. Segundo informa a Federación de Asociaciones de Periodistas de España (FAPE), o maxistrado así o manifestou durante o curso Aproximación de los periodistas al dolor celebrado do 24 ao 28 de agosto de 20009 en Santander.

Grande-Marlaska suxeriu tres vías de control: a regulación, a autorregulación e a autocensura, estratexias para evitar casos coma as investigacións periodísticas en que se desvela a identidade protexida de testemuñas ou os xuízos paralalelos nos medios.

Reporteros sin Fronteras expresa a necesidade de transparencia informativa por parte das autoridades iraquís, a quen lles aclara que os profesionais da información deben traballar libremente. Despois dos atentados do pasado 19 e 20 de agosto en Bagdad e Babel, en que varios periodistas quedaron feridos, os responsables da seguridade interior impediron tomar imaxes do funeral polas vítimas dos acontecementos, así coma establecer contacto coas persoas hospitalizadas e testemuñas destes actos violentos.
 

A organización sinala que a campaña de prohibición continuou a nivel político, cando no pleno excepcional da Asemblea nacional, celebrado o 21 de agosto, o primeiro vicepresidente esixiu a expulsión dos periodistas presentes, así como a prohibición de difundir a reunión e máis o seu contido.

Todos os cursos que ofrece a Asociación de Escritores Noveles son en liña e están destinados a todas aquelas persoas que se inician no hábito de escribir ou para aquelas que desexan ampliar e perfeccionarse. Para este curso, a novidade é a formación en materia xornalística: periodismo dixital, periodismo cultural na prensa escrita, crítica literaria e formación de lectores.

Ademais tamén ofrece outros contidos como cursos de escritura creativa, un tutorial sobre a  novela, así coma cursos para empresas baseados na redacción comercial e de textos.

Para máis información, consulte a web: www.asociacionescritoresnoveles.es

A VII edición do Premio de Xornalismo Científico Galicia Innovación ten como data límite para a recepción de traballos o vindeiro 31 de outubro de 2009. Os traballos que se presenten a concurso deberán estar publicados entre o 3 de xullo de 2008 e o 31 de outubro deste ano.

O obxectivo do Premio, convocado pola Consellería de Economía e Industria, é estimular a produción de textos en materia científica e fomentar a cultura do coñecemento da ciencia e da tecnoloxía, así como difundir as actividades de I+D+i cara á sociedade galega. A dotación do premio é de 5.000 euros para o gañador e 2.300 euros para o segundo clasificado.

Para máis información, consulte as bases neste enlace: Orde do 9 de xullo de 2009 pola que se convoca o VII Premio de Xornalismo Científico Galicia Innovación.

A asociación Compostela Monumental-La Caixa outorgará un premio de 600 euros para aqueles traballos periodísticos, en calquera xénero, que difundan o coñecemento sobre o comercio urbano do casco histórico compostelán, a súa cultura e os valores que representa, así como a contribución á dinamización da cidade.

Os traballos poderán presentarse  ata o 1 de setembro e deberán ter sido publicados ou difundidos a través dun medio de comunicación entre o 1 de outubro de 2008 e o 14 de agosto de 2009.

[Pulsa para ler o resto da noticia]

O Grupo SIM, axencia de marketing directo, relacional, incentivos e eventos selecciona un redactor creativo “copy junior” para Las Rozas, en Madrid. Búscase unha persoa que poida estar estudiando para ofrecerlle prácticas remuneradas desde o 1 de setembro ata decembro, con posibilidade de continuar.

O traballo será só en horario de mañá e consitirá en redacción de textos de marketing directo e en liña, folletos, pezas creativas gráficas, html, correos electrónicos, etc. As persoas interesadas poden dirixirse a Purificación Reig en gruposim@gruposim.net.

O concurso de guións Compostela Plató, que se celebra como parte da edición do Festival Internacional de Curtas, Curtocircuito, abreu o prazo de inscrición ata o 15 de setembro. Para máis información, as bases pódense consultar na páxina web www.curtocircuito.org.

O obxectivo deste festival é potenciar a creación audiovisual e darlle a oportunidade a un guionista de ver producido o seu proxecto, ao tempo que se aproveita para promocionar Santiago como marco para a gravación.

Un traballador dunha fundación paraestatal foi arrestado despois da agresión que sufriron o pasado 13 de agosto doce periodistas do grupo de prensa privado Cadena Capriles, en Venezuela, segundo informa Reporteros sin Fronteras.

A organización manifesta o seu apoio ás redaccións de Cadena Capriles e lamenta que o goberno se vexa cada vez máis desbordado por uns militantes extremistas, nun contexto de novas lexislacións controvertidas e peches de medios de comunicación, e esíxelle ás institucións un verdadeiro debate nacional.

[Pulsa para ler o resto da noticia]

Os talleres Neumáticos y Servicios Ames (Bertamiráns) e Talleres MR (Sigüeiro) ofrécenlle aos socios e socias da Asociación de Periodistas de Santiago descontos entre un 10% e un 20% en produtos e servizos.
Concretamente, aplícase un 10% de desconto en produtos Confort Auto (www.confortauto.com) sobre a tarifa oficial (baterías, lubricantes, pneumáticos e lavaparabrisas, todos da marca Confort Auto) e un 20% de rebaixa en man de obra en pneumáticos.

Datos de contacto dos talleres:

[Pulsa para ler o resto da noticia]