A asociación Compostela Monumental-La Caixa outorgará un premio de 600 euros para aqueles traballos periodísticos, en calquera xénero, que difundan o coñecemento sobre o comercio urbano do casco histórico compostelán, a súa cultura e os valores que representa, así como a contribución á dinamización da cidade.

Os traballos poderán presentarse  ata o 1 de setembro e deberán ter sido publicados ou difundidos a través dun medio de comunicación entre o 1 de outubro de 2008 e o 14 de agosto de 2009.

As fotocopias das informacións publicaas nos medios deberán presentarse en sobre pechado, no que se engadirá un documento firmado polo autor ou autora, no que conste a súa identidade, o medio de comunicación e a data de publicación. Para máis información, www.compostelamonumental.es