O xuíz da Audiencia Nacional, Fernando Grande-Marlaska, propuxo a necesidade dun código ético que regule a cobertura de informacións sobre terrorismo, coa finalidade de evitar situacións que lles poidan afectar ás vítimas ou que poñan en risco o proceso. Segundo informa a Federación de Asociaciones de Periodistas de España (FAPE), o maxistrado así o manifestou durante o curso Aproximación de los periodistas al dolor celebrado do 24 ao 28 de agosto de 20009 en Santander.

Grande-Marlaska suxeriu tres vías de control: a regulación, a autorregulación e a autocensura, estratexias para evitar casos coma as investigacións periodísticas en que se desvela a identidade protexida de testemuñas ou os xuízos paralalelos nos medios.