O curso Experto en Información Económica 2009-2010, impartido pola Universidade de Zaragoza, desenvolverase entre o 9 de novembro de 2009 e o 31 de maio de 2010, cun total de 250 horas lectivas. As bolsas que convoca a FAPE financian as taxas académicas, os traslados e aloxamento derivados das sesións presenciais e máis o seguro médico.

Este curso está recoñecido como curso universitario de posgrao pola Universidade de Zaragoza e ten por obxectivo contribuír a mellorar a preparación académica dos profesionais da información en materia económica. Os interesados teñenque remitir ao seguinte enderezo electrónico, becasfundear@apmadrid.es, á atención de María Fernández, tel. 91 585 00 22, antes do 10 de setembro ás 12:00 h. os seguintes documentos cumplimentados:

1. Impreso de solicitude de inscrición
2. Impreso de solicitude da beca
3. Xunto cos formularios, tamén se require un documento .doc cunha extensión máxima de 10 páxinas en que se inclúan os seguintes conceptos:

- Breve currículo coa formación académica e a experiencia profesional
- Interese pola realización do posgrao
- Motivos económicos polos que se considera acreedor da bolsa
- Información de se está inscrito na BolsaFAPE (bolsa de emprego da FAPE)
- Información de se foi beneficiario do programa Primer Empleo
- Información de se ten algún blog en activo en REDFape, a plataforma de mediablogs da FAPE
- Información de se foi preasociado ou tivo algunha vinculación previa coa súa asociación antes de facerse asociado

Os bolseiros, unha vez que se lles conceda a bolsa, deberán comunicar por escrito á FAPE ou á Asociación de Prensa de Madrid, antes de 10 días naturais, a aceptación da bolsa. No caso de que o beneficiario ou beneficiaria renuncie á bolsa, deberá entregar unha carta asinada e fechada explicando os motivos da renuncia.

Documentación para o solicitante:

Pulse aquí para obter o programa do curso
Pulse aquí  para obter o impreso de solicitude da preinscrición
Pulse aquí para obter o impreso de solicitude da bolsa