A presentación de artigos de opinión ao premio Borobó finaliza en catro semanas, o vindeiro 10 de outubro, cun primeiro premio dotado de 4.000 euros e máis unha peza escultórica que representa unha pluma de ouro. Haberá tamén accésits con pezas semellantes de prata e bronce.

Os traballos deberán ser inéditos e terán que estar redactados en galego. Aínda que a temática é libre, o xurado valorará o seu interese periodístico, e, no caso de empate, fallará a favor do artigo que mellor trate sobre a vinculación entre Santiago de Compostela e Galicia ou sobre calquera aspecto compostelán. A extensión está limitada a 2.400 caracteres con espazos incluídos (pouco máis de medio folio) e o premio non poderá declararse deserto.

Pulse aquí para obter máis información e consultar as bases do premio.

A cadea hoteleira Zenit ofrece descontos do 10% sobre a mellor tarifa dispoñible durante todo o ano. Para gozar destas vantaxes será preciso indicar a pertenza á FAPE e o pago será directo. Os establecementos poderán esixir o carné de periodista para a identificación.

Zenit posúe establecementos en Andorra, Barcelona, Burgos, Guadalajara, Huesca, Jaén, A Coruña, La Rioja, Lérida, Lisboa, Madrid, Málaga, Murcia, Navarra, Pontevedra, Sevilla, Valencia, Valladolid, Vizcaya, Zamora e Zaragoza. Os clientes poderán efectuar as reservas directamente nos hoteis ou ben a través da central de reservas no número 902 29 09 02. Tamén se poderá reservar por correo electrónico en reservas@zenithoteles.com

[Pulsa para ler o resto da noticia]