5.000 euros é a cantidade que recibirá o traballo gañador do II Premio periodístico en prensa escrita, televisión e radio Fundación do Complexo Hospitalario Universitario A Coruña, xunto coa Asociación da prensa de A Coruña.

O premio vai destinado a traballos publicados ou emitidos na prensa, radio e televisión entre o 1 de novembro de 2008 e o 31 de outubro de 2009. O obxectivo desta convocatoria é a promoción de hábitos de saúde e a posta en valor das actividades sanitarias desenvoltas no complexo hospitalario de A Coruña.

Os orixinais poderán presentarse en calquera das linguas oficiais do Estado na Asociación de Prensa de A Coruña, rúa Durán Loriga, 10-4º. Para máis información, poden dirixirse á sede da Asociación, a través dos teléfonos: 981 223 486 ou 618 629 856.