O prazo para participar no premio Borobó finaliza en dez días
Quedan dez días de prazo para a presentación de artigos de opinión ao I Certame Raimundo García Domínguez, Borobó. Este premio ten unha dotación económica de 4.000 euros, xunto cunha peza que simboliza unha pluma de ouro. Tamén haberá dous accésits en prata e bronce, así como a publicación do artigo en diversos medios de comunicación. A extensión está limitada a 2.400 caracteres con espazos incluídos (pouco máis de medio folio) e o premio non poderá declararse deserto.
Os traballos teñen que estar escritos en galego e a súa temática é libre. No caso de empate, o fallo recaerá sobre o escrito que reflicta unha estreita vinculación entre Santiago de Compostela e Galicia, ou ben que trate sobre calquera aspecto compostelán.
