A Federación Internacional de Periodistas (FIP) e a súa organización rexional, a Federación de Periodistas de América Latina e o Caribe (FEPALC) expresaron a súa condena máis enérxica polo asasinato do fotoperiodista hispano-francés, Christian Poveda. O seu corpo, tiroteado, atopouse nun suburbio da cidade de San Salvador, segundo confirmaron a policía e o Ministerio de Xustiza e Seguridade do Salvador.

Poveda, de 52 anos de idade, residía en El Salvador desde había uns anos e estaba moi vinculado con ese país, desde onde foi correspondente para diversos medios, especialmente franceses, durante o período da guerra civil salvadoreña (1980-1992). Realizou tamén a cobertura doutros conflitos internacionais e o seu traballo era coñecido en varios países europeos e latinoamericanos.

[Pulsa para ler o resto da noticia]

A Asociación de Periodistas de Santiago de Compostela (APSC) manifesta a súa satisfacción pola absolución da periodista mexicana Lydia Cacho, que fora demandada por publicar a historia dunha nena violada. O venres 21 de agosto de 2009, tras máis de dous anos de xuízo, a sentencia exoneraba á periodista da divulgación dunha investigación en que desvelaba unha rede de pornografía infantil e trata de menores en México.

Coa publicación de Los Demonios del Edén desatouse un escándalo político en México, xa que se inculpaba dos delitos de corrupción e pederastia a personalidades con importante responsabilidade pública. Debido a estas acusacións, a periodista foi secuestrada e encarcelada ilegalmente. Diante desta situación, a Fundación que leva o seu nome deu a coñecer ao mundo o caso Lydia Cacho, que tiña por obxectivo financiar o proceso de defensa xudicial no Tribunal Internacional de La Haya.

A APSC participou no seguimento do caso e organizou o pasado mes de xaneiro, en colaboración coa Fundación Lydia Cacho, un acto en Santiago de Compostela en defensa da periodista mexicana, ademais dun concerto benéfico en favor da fundación.

O curso Experto en Información Económica 2009-2010, impartido pola Universidade de Zaragoza, desenvolverase entre o 9 de novembro de 2009 e o 31 de maio de 2010, cun total de 250 horas lectivas. As bolsas que convoca a FAPE financian as taxas académicas, os traslados e aloxamento derivados das sesións presenciais e máis o seguro médico.

Este curso está recoñecido como curso universitario de posgrao pola Universidade de Zaragoza e ten por obxectivo contribuír a mellorar a preparación académica dos profesionais da información en materia económica. [Pulsa para ler o resto da noticia]