O premio Rafael Pérez del Álamo, convocado pola Asociación Andaluza da Prensa e máis pola Fundacion Ibn Al-Jatib, outorga un premio de 3.000 euros para un traballo de investigación en temas de solidariedade, denuncia de situacións de marxinación ou menoscabo de dereitos.

A convocatoria está aberta para traballos publicados en prensa escrita durante todo o ano 2009. Terán que enviarse á Fundación Andaluza de la Prensa,  Escudo del Carmen, 3. 18009 Granada. O prazo límite de recepción finaliza o 15 de xaneiro de 2010. Deberán presentarse na páxina completa original do medio impreso ou soporte no que se publicaran, en que se aprecie a data. Nunha folla á parte indicaranse os datos persoais do autor e un breve currículo.

[Pulsa para ler o resto da noticia]

Luís Menéndez, presidente da APSC e Benxamín Vázquez, coordinador do I Certame Raimundo García Domínguez, Borobó, durante a presentación dos trofeos.

A Asociación de Periodistas de Santiago de Compostela presentou esta mañá, no Club Internacional de Prensa, os trofeos que se lle entregarán ao gañador e finalistas do I Certame Raimundo García Domínguez, Borobó. Os trofeos son tres pezas que representan unha pluma de ouro, prata e bronce, para o primeiro premio e para os dous accésits respectivos.

Estas pezas foron deseñadas por Manuel Bouzas, un xoieiro e gran afeccionado á escultura. Os trofeos están inspirados no logotipo da Asociación de Periodistas de Santiago de Compostela e semellan “unha pluma un pouco esgallada, unha pluma ben usada”, segundo explica Benxamín Vázquez, coordinador do Certame.

[Pulsa para ler o resto da noticia]

A Asociación de Periodistas de Santiago de Compostela organiza mañá mércores, 7 de outubro ás 11:00 h unha rolda de prensa no Club Internacional de Prensa para achegar os detalles do premio Borobó, que se entrega o vindeiro 24 de outubro na sede da Fundación Caixa Galicia (Rúa do Vilar, nº  19) en Santiago de Compostela.

A APSC, que aínda mantén aberto o prazo de presentación de artigos de opinión ata o próximo sábado 10 de outubro, fará unha presentación dos trofeos que se lle entregarán aos gañadores do Certame durante a I Xornada de Periodismo de Opinión.

Na mesa redonda da xornada está prevista a participación de Magis Iglesias, presidenta da Federación de Asociaciones de Periodistas de España (FAPE), do ex ministro de Cultura, César Antonio Molina, do profesor e politólogo Xosé Luís Barreiro Rivas e do xornalista Xavier Navaza.

Os socios e socias teñen un desconto de más do 50% en gafas graduadas con cristais antirreflexos, monofocais, e de máis do 60% en lentes progresivas. En ambas as dúas opcións, as monturas son a escoller dentro do surtido promocional e cristais orgánicos e endurecidos.

O acordo de colaboración asinado entre FAPE e General Óptica, que posúe máis de 200 establecementos por España, tamén presenta unha redución do 50% na compra da Tarxeta Privilege para tres anos con máis vantaxes e descontos para titular e tres beneficiarios á súa elección.

[Pulsa para ler o resto da noticia]

I Certame Raimundo García Domínguez, “Borobó”

Xornada sobre Periodismo de Opinión

Organiza a Asociación de Periodistas de Santiago de Compostela en colaboración coa Consellería de Cultura e Turismo e a Secretaría Xeral de Medios.

Data: sábado, 24 de outubro de 2009.

Lugar: Fundación Caixa Galicia (Rúa do Vilar, nº 19, Santiago de Compostela).

Presentadora da Xornada: Xulia Campo Vázquez.

11.00-11.45 h           Lembranzas de Raimundo García Domínguez, “Borobó”.

                                 Benxamín Vázquez González, Coordinador do Certame.

                                 Emilio Lavandeira Prieto, xornalista da Xeración de “La Noche”.

                                 Raimundo García Paz, xornalista e fillo de “Borobó”.

                                 Luís Menéndez Villalva, Presidente da APSC.

11.45-12.00 h           Coloquio.

12.00-12.45 h           Mesa redonda sobre xornalismo de opinión.

                                 Xavier Navaza, columnista de “El Correo Gallego”: “O periodismo de opinión no ámbito da política galega”.

                                 Magis Iglesias, redactora xefa da Axencia COLPISA e Presidenta da FAPE: “A crónica parlamentaria, hoxe. As perspectivas da opinión política dende Madrid”.

                                 Xosé Luís Barreiro Rivas, columnista de “La Voz de Galicia”: “Achegamentos dun politólogo (con experiencia na política activa) ao periodismo de opinión”.     

                                 César Antonio Molina, escritor e profesor na Facultade de Periodismo da U. Carlos III de Madrid: “O periodismo de opinión no ámbito cultural e literario. A perspectiva dun receptor de opinións e críticas”.

Moderador: Rafael Cid.

12.45-13.00 h           Coloquio.         

13.00-13.15 h           Pausa.

13.15-14.00 h           Lectura do fallo do Xurado, entrega do Premio e dos dous accésits.

Clausura oficial da Xornada polo Alcalde de Santiago de Compostela, X. A. Sánchez Bugallo.

14.00 h                     Viño galego no Casino (Rúa do Vilar, nº 35, Santiago de Compostela).

A Axencia Europea de Seguridade Aérea (AESA), unha axencia da Unión Europea con cometidos específicos en seguridade aérea, acepta solicitudes para o posto de empregado en seguridade da información e as comunicacións, dentro do departamento de comunicación da Dirección Executiva da axencia, que ten a súa sede en Colonia, Alemania. O prazo de presentación das solicitudes finaliza o día 5 de outubro de 2009.

Para máis información, pulse nesta ligazón e consulte o documento.
Pode consultar tamén a web da Axencia na dirección: http://www.easa.europa.eu

Queda unha semana para que os interesados e interesadas en participar no I Certame Raimundo García Domínguez, Borobó envíen os seus artigos de opinión á sede da Asociación de Periodistas de Santiago de Compostela. O premio, cunha dotación de 4.000 euros, outorgarase durante a celebración da I Xornada sobre Periodismo de Opinión, que se desenvolverá o 24 de outubro de 2009. O obxectivo deste certame é honrar a memoria e o labor periodístico de Borobó, o promotor da xeración de La Noche.

O prazo de envío de artigos para concurso finaliza o 10 de outubro de 2009. Na primeira edición deste certame poderán participar persoas maiores de idade de calquera nacionalidade. Os participantes poden entregar varios traballos inéditos, sempre e cando os presenten por separado. Os artigos teñen que estar redactados en galego, de acordo coa normativa da Real Academia Galega. A temática é libre, aínda que no caso de empate, o fallo recaerá sobre o escrito que reflicta unha estreita vinculación entre Santiago de Compostela e Galicia, ou ben que trate sobre calquera aspecto compostelán.

Para máis información, consulte a seguinte ligazón:
http://periodistascompostela.org/index.php/a-asociacion/certame-raimundo-garcia-dominguez-borobo/