A Federación Internacional de Periodistas (FIP) fixo unha chamada á comunidade internacional para que demande unha investigación exhaustiva e leve ante a xustiza a aqueles responsables do maior masacre de xornalistas na historia recente das Filipinas.

A súa chamada prodúcese despois de que polo menos 12 xornalistas foran asasinados cando un convoi político dunhas 36 persoas sufrise unha emboscada en Maguindanao, provincia das Filipinas do Sur. Aidan White, o Secretario Xeral da FIP, reclamou “unha resposta firme e urxente do goberno filipino e da comunidade internacional”.

O convoi político estaba dirixido por Genalyn Tiamzon-Mangudadatu, que estaba no desfile do nomeamento do seu marido como candidato para as próximas eleccións para gobernador da provincia de Maguindanao. Os xornalistas eran parte do convoi xunto con varios membros da súa familia. Un cento de homes armados tendéronlle unha emboscada ao convoi o domingo á mañá. O grupo foi trasladado a unha localidade remota antes de ser masacrado. A maior parte das persoas foron tiroteadas; algunhas decapitadas e trasladadas en vehículos.

De acordo coa Unión Nacional de Periodistas de Filipinas, entre as vítimas hai polo menos 12 xornalistas que cubrían o acto. Este foi un dos días máis escuros na historia do xornalismo nas Filipinas, que sen contar Irak, acada as cotas máis elevadas dos países con máis riscos para os xornalistas nos últimos anos.