Os socios da APSC poderán seguir empregando os servizos médicos concertados con FAMEDIC durante o ano 2.010. A partir de mediados de  febreiro empezarán a repartirse as novas tarxetas polo que todos os que queiran facer algún tipo de modificación nos seus datos deben facelo  saber canto antes. Por outro lado xa se están repartindo os bonos para facer as ecografías mamarias na clínica Gaiás. Lembramos que corresponde un bono por cada asociado e que este servizo é totalmente libre de custo para nós xa que os gastos corren a cargo de FAMEDIC.

Os que non o teñan deben poñerse en contacto coa APSC para facerllo chegar. É importante a colaboración dos socios nestas tarefas (entrega  de tarxetas, bonos, etc) porque a Asociación cada vez é máis grande e os directivos non teñen tempo dabondo para facer o reparto casa por casa ou asociado por asociado. Hai que sinalar que este ano súmanse a FAMEDIC en Galicia os  traballadores dos centros de El Corte Inglés en A Coruña, Santiago e Vigo co que a empresa vai medrando e, previsiblemente irán aumentado os servizos que proporciona.

Por certo que os médicos de Vigo cobran 30 euros por consulta mentres  que os do resto de Galicia continúan con 25 que cobraban ata o de agora. Lembramos tamén que para facer uso dos serizos de FAMEDIC é necesario chamar ao número de teléfono que ven na tarxeta e alí dirán quen nos pode atender, cal é o teléfono onde debemos pedir cita e cal é a dirección da consulta do médico. Para os que non queiran entrar na páxina de FAMEDIC adxuntamos o listado completo de médicos e servizos dispoñibles nestes momentos en toda Galicia.

Prema aquí para consultar o listado actualizado de médicos e servizos dispoñibles en Galicia.