A xustiza obriga á dirección da televisión autonómica de Madrid a negociar un Consello e un Estatuto Profesional da Redacción, algo que reclamaban desde hai tempo os periodistas e máis a representación sindical, segundo a información que publica www.nuevatribuna.es.

O Tribunal Superior de Xustiza de Madrid desestimou o recurso presentado polo Ente Público Radio Televión de Madrid contra a sentenza que lles daba a razón aos sindicatos na súa pretensión de converterense en interlocutores para negociar coa dirección tanto o Consello coma o Estatuto Profesional da Redacción.

A sentenza lembra que a negociación para a posta en funcionamento dun Consello e Estatuto Profesional forma parte do artigo 64 do IX Convenio Colectivo.

Os sindicatos consideran que esta decisión é fundamental para “a xestión negociada e dialogada da empresa pública” e pídenlle á dirección unha negociación inmediata para recuperar “a credibilidade dos servizos informativos” da canle.

Pulse aquí para ler a orixe da noticia.