O Instituto de la Mujer, ente adscrito ao Ministerio de Igualdade, convoca a concesión de 25 bolsas dentro da XVI Edición do Programa de Formación en Cooperación Internacional “Mujeres y Desarrollo”. Estas bolsas teñen como finalidade contribuír á formación especializada e capacitación técnica en materia de cooperación internacional para o desenvolvemento desde a perspectiva de xénero. Céntranse no deseño, execución e avaliación das políticas, estratexias e programas de cooperación.

A duración das bolsas é de once meses, desde outubro de 2010 a setembro de 2011. Está prevista unha formación teórica de cinco meses e medio en Madrid e unha formación práctica de cinco meses en organismos internacionais, organizacións non gubernamentais e outras institucións de países de América Latina, Magreb e África subsahariana.

Para máis información, pulse aquí e consulte as bases no Boletín Oficial do Estado.

Os hoteis Meliá Sevilla e Meliá Lebreros, ambos os dous en Sevilla, ofrecen unha tarifa negociada para os asociados de FAPE para Semana Santa e feira de Abril. O desconto aparece cando se efectúa a reserva a través da central: 902 14 44 44.

Nos hoteis da cadea NH en España e Portugal ofrécese un desconto do 10% sobre a mellor tarifa dispoñible de luns a domingos. Non é acumulable con outras ofertas da cadea. Para información e reservas: 902 11 51 16.

Para máis información, consulte a área de Servizos da web de FAPE: www.fape.es, na canle Paradores, Hoteles y Balnearios.

A Asociación de Periodistas de León e o Colegio de Economistas de León convocan de forma conxunta o premio de Periodismo Económico Fabián Estapé. Son candidatos ao premio todos aqueles periodistas que publicaran traballos de economía en calquera dos medios de comunicación editados en España entre o 1 de marzo de 2009 e o 28 de febreiro de 2010.
A data límite de presentación dos traballos é o 16 de abril de 2010.

Para máis información, pulse aquí e consulte as bases.

Hotelopía ofrece un desconto de ata o 60% en hoteis da cadea Pierre Vacances, nos seus establecementos de Alicante, Costa Brava, Málaga e Tarragona para todos os asociados e asociadas de FAPE. A información é accesible na web de FAPE (www.fape.es) na canle Servizos, no apartado Paradores, Hoteles y Balnearios, na sección Hoteles por Internet.
Para máis información, http://www.hotelopiaclub.com ou no teléfono 902 430 419 e identifíquese como asociado de FAPE.

A Agrupación de Mulleres Xornalistas da APSC manifesta o seu apoio aos casos expostos pola Rede Internacional de Periodistas con Visión de Género (RIPGV) sobre a situación crítica no exercicio do xornalismo, sobre todo na situación de dúas xornalistas mulleres que desenvolven o seu exercicio profesional en Irán e en México.

A Rede Internacional de Periodistas con Visión de Género (RIPGV) enviou unha carta ao presidente da maxistratura provincial de Teherán para expresar a súa preocupación pola detención da periodista Hengameh Shahidi, que segundo as informacións foi detida o 25 de febreiro para cumplir unha condena de seis anos de cadea.
[Pulsa para ler o resto da noticia]

De esquerda a dereita e de arriba a abaixo, Abeta Chas; Ana Fuentes; María Teresa Díaz-Faes; María Jesús Argibay; Luís Piñero e Alejandro Kowalski.

A Asociación da Prensa de Vigo renovou a súa xunta directiva nas eleccións celebradas esta mañá no Centro Social Caixanova A nova presidenta é Abeta Chas, que releva no cargo, despois de 18 anos, a Fernando Ramos. O resto da directiva queda composto da seguinte maneira: Tesa Díaz-Faes ocupa o cargo de vicepresidenta; María Jesús Argibay, secretaria; Ana Fuentes, tesoureira e os vogais Luís Piñero e Alejandro Kowalski.

Para os vindeiros anos a nova directiva quere promover o prestixio da profesión e conseguir apoios institucionais e privados para revitalizar a Asociación da Prensa de Vigo que recentemente conmemorou o seu centenario.  A elección á única candidatura produciuse por acordo da maioría absoluta dos asociados de Vigo e foi o propio presidente saínte, Fernando Ramos, doutor en Dereito Constitucional e licenciado en Xornalismo, quen se encargou acadar o apoio para a a súa sustituta. Abeta Chas é delegada en Vigo do diario Expansión.

Foto: Alberto Uzal

Foto do equipo da APSC. De esquerda a dereita, na primeira fila, M.Carmen Domínguez, responsable de prensa; Baldomero Cores, vogal; Luís Menéndez, presidente e Carolina Carballedo, vogal. Na fila seguinte, Áurea Sánchez, tesoureira; Xulia Campo, vogal e directora da Agrupación de Mulleres Xornalistas da APSC e Lucía Castro, secretaria executiva. Na fila posterior, José Francisco Rodil, vicepresidente; Rafael Cid, secretario; Joel Rodríguez, vogal e Juan Salgado, vogal.

O equipo da Asociación de Periodistas de Santiago de Compostela reuniuse para facer un balance-resumo das actividades que se están a desenvolver, así como para planificar a programación vindeira. Nesta xuntanza tamén se presentou de forma oficial a renovada xunta directiva coa incorporación da vogal Carolina Carballedo, redactora na publicación Santiagosiete, cargo no que sustitúe a Juan Castro.

A Asociación de Periodistas de Santiago apoia a candidatura proposta pola Asociación de Periodistas Vascos para que Manu Leguineche (Gernika, 1941) reciba o premio Príncipe de Asturias de Comunicación e Humanidades 2010.

Leguineche é un dos reporteiros cunha extensa traxectoria no exercicio do periodismo en España. Cronista, escritor, enviado especial e corresponsal de guerra soubo transmitir graves conflitos internacionais con gran sensibilidade. Despois de máis de corenta anos de labor periodístico, convertiuse nun referente do xornalismo. Desta forma, a APSC pretende que a súa adhesión a esta candidatura sirva para recoñecer a figura profesional e de valores de Manu Leguineche.

O número 20 da revista Periodistas que edita a FAPE (Federación de Asociacións de Peridistas de España) dedica un amplo informe sobre os dereitos de autor dos periodistas. Neste número, aproveitando a presidencia de turno española da Unión Europea, afóndase no mapa comunitario do xornalismo, da man de Jim Boumelha, presidente de Federación Internacional de Periodistas (FIP) e Aidan White, secretario xeral da FIP.

A publicación tamén recolle os últimos cambios na xunta directiva da FAPE, coa saída de Javier Arenas da secretaría xeral; posto que ocupa Carlos Sanz e coa incorporación de Nemesio Rodríguez como vicesecretario da Federación. Pola súa banda, a presidenta, Magis Iglesias, anuncia que non se presentará á renovación nas eleccións da Federación.

[Pulsa para ler o resto da noticia]

A Asociación de Periodistas de Santiago de Compostela abre a exposición Prensa (en) tendida, publicacións periódicas de Compostela no Centro Sociocultural do Ensanche (Frei Rosendo Salvado, 14-16 baixo; Santiago de Compostela). A inauguración da mostra terá lugar mañá, día 16 ás 11:00 h da mañá. Ata o remate de marzo, os visitantes poderán coñecer a cantidade e variedade de publicacións periódicas que se editan na cidade compostelá. Deste xeito, a mostra continúa o seu percorrido iniciado a mediados de decembro no Centro Sociocultural de Vite.

Xornais, revistas, anuarios, memorias e boletíns son exemplos das 300 publicacións que conviven en Compostela e que abranguen ámbitos como a cultura, as humanidades, a política, a economía, a ciencia, a investigación ou as novas tecnoloxías. Máis dun cento de exemplares ilustran esta mostra baixo o título de Prensa (en) tendida, na que se realiza unha comparación cun proceso de lavado e secado da roupa.

[Pulsa para ler o resto da noticia]