A Federación de Asociacións de Periodistas de España (FAPE) denunciou hoxe a fenda salarial e profesional que separa ás mulleres xornalistas dos seus colegas homes, co motivo da celebración do Día Internacional da Muller. A Federación fixo deste xeito unha chamada aos axentes sociais para que promulguen políticas que favorezan o acceso da muller á profesión, promovan a equiparación de salario cos seus compañeiros e faciliten o ascenso a postos de responsabilidade.

A FAPE incide ademais na batalla pola concilicación da vida profesional e a privada. “A precariedade da profesión convértenos nun dos colectivos que peor computa nesta materia”, sinala a Federación. “Preferimos falar da nosa vida privada antes que da vida familiar, posto que os profesionais mozos retrásana ata idades alarmantes, freados polas nefastas condicións laborais que hoxe en día ofrece o mercado”.

A FAPE propón que o periodismo debe dar exemplo á sociedade e esixe á corrección das desigualdades existentes. Unha das medidas que propón é a de obter horarios racionais para conciliar vida familiar e laboral, ademais dunha actitude reivindicativa fronte a outros aspectos para que a sociedade outorgue aos profesionais máis credibilidade.