O número 20 da revista Periodistas que edita a FAPE (Federación de Asociacións de Peridistas de España) dedica un amplo informe sobre os dereitos de autor dos periodistas. Neste número, aproveitando a presidencia de turno española da Unión Europea, afóndase no mapa comunitario do xornalismo, da man de Jim Boumelha, presidente de Federación Internacional de Periodistas (FIP) e Aidan White, secretario xeral da FIP.

A publicación tamén recolle os últimos cambios na xunta directiva da FAPE, coa saída de Javier Arenas da secretaría xeral; posto que ocupa Carlos Sanz e coa incorporación de Nemesio Rodríguez como vicesecretario da Federación. Pola súa banda, a presidenta, Magis Iglesias, anuncia que non se presentará á renovación nas eleccións da Federación.

A publicación tamén contempla outras actividades de actualidade no sector, como a cobertura do terremoto de Haiti e o seguimento desta catástrofe, entre outros temas.