- Día Internacional da Liberdade de Prensa
- Reclama un plan de axudas aos medios de comunicación condicionado ao mantemento dos postos de traballo
Con motivo do Día Internacional da Liberdade de Prensa que se celebra hoxe, a Federación de Asociacións de Periodistas de España (FAPE), á que pertence a Asociación de Periodistas de Santiago de Compostela, fai unha chamada para o recoñecemento do xornalismo como ben de interese público e reivindica un plan de axudas aos medios de comunicación condicionado ao mantemento dos postos de traballo.
As asociacións federadas e vinculadas á FAPE lamentan o inédito devastamento do emprego periodístico, coa perda de 3.351 postos de traballo desde novembro de 2008 ata a actualidade, segundo os datos rexistrados no Observatorio para o seguimento da crise coordinado pola FAPE.
Cando se celebra unha efeméride que ensalza a independencia profesional, temos que prestar maior atención se cabe á precariedade laboral e á destrución de emprego, convertidos hoxe nos inimigos principais da liberdade de prensa e das sociedades democráticas.
O dereito da cidadanía á información resíntese cando o emprego dos xornalistas está en perigo ou serve a interes espurios, apegados á economía ou ao poder, cando as plantillas dos medios encollen drasticamente e sobrecargan cun volume de tarefas inxentes aos poucos compañeiros que quedan nas salas de redacción, o que reduce a calidade do produto xornalístico.
Coas redaccións descapitalizadas, periodistas sobreexplotados e editores que antepoñen os seus intereses ao dereito da cidadanía a recibir unha información libre e plural, o produto malógrase, a profesión perde credibilidade e o exercicio periodístico desvíase da súa función democratizadora.
[Pulsa para ler o resto da noticia]
