Enrique de Arce

Enrique de Arce Temes, socio da Asociación de Periodistas de Santiago de Compostela, recibiu o premio Urogallo de la Comunicación en recoñecemento polo seu compromiso benestar dos galegos e coa riqueza natural de Galicia, en especial a da Serra de Ancares. O premio entregoullo o xefe territorial da Consellería de Medio Rural en Lugo, Ramón Carballo, en representación da delegada territorial da Xunta Raquel Arias, nun acto organizado polo Club Ancares, entidade que concede anualmente este galardón. O presidente do Club, Alfredo Sánchez Carro, salientou a personalidade profesional e humana do galardoado e a súa indeclinable defensa das xentes e lugares da serra.

O acto de entrega coincidiu coa celebración do Día Mundial do Medio Ambiente, organizado polo devandito club e celebrado no albergue que esta entidade ten en Ancares. Arce, a quen lle correspondeu este ano ser o pregoeiro, dixo na súa intervención que “non debemos manternos impasibles ante o incremento do deterioro ambiental. Estamos xogando coa vida do nosos descendentes, co seu benestar, polo que debemos actuar xa, con sentido estrito da responsabilidade que asumimos se contaminamos as augas, o aire, en fin, se degradamos o noso entorno”.

[Pulsa para ler o resto da noticia]

Do 14 ao 16 de xullo desenvólvese a segunda edición do curso de verán que promoven Reporteros Sin Fronteras e UNED en Pontevedra. Nesta ocasión tratarase como afrontan os medios a crise que afecta ao ámbito internacional, particularmente ao mundo da comunicación e os perigos para a liberdade de información.
Neste curso tratarase de dar resposta a como afecta esta situación á actividade dos xornalistas ou se os cambios son culturais ou radicais no exercicio do xornalismo.

Pulse aquí para consultar o programa e información.