A Federación de Asociacións de Periodistas de España (FAPE) rexeita calquera intento de control político nas televisións públicas e privadas. Segundo a Federación, o acordo asinado entre o PP e o PSOE polo cal os bloques electorais, proporcionais en función dos resultados nos comicios electorais, dentro dos informativos das televisións privadas, constitúe un atentado contra a liberdade editorial e de programación das empresas.

A FAPE considera que a intención dos partidos políticos de impoñer estes bloques é un intento de converter a información en altofalante de mensaxes políticos e un empeño en anular a profesión xornalística. Por iso, a FAPE esíxelles aos partidos que revisen o texto do acordo, destinado a converterse en proposición de lei, e non traten de coartar o dereito da cidadanía a recibir información libre e veraz.

O Club Ciclista Ebro de Zaragoza convoca por segundo ano o Campionato de España de Ciclismo para Periodistas. A proba celebrarase o 24 de outubro de 2010 nun percorrido de 55 quilómetros que parte e finaliza en Huesca, sen especiais dificultades orográficas. Establécense catro categorías para homes e dúas para mulleres. Os participantes deberán estar en posesión da licencia federativa en vigor, así como ser membros de FAPE. A preinscrición finaliza o 4 de outubro.

Para máis información, pulse aquí e consulte as bases.

A Federación Internacional de Periodistas convoca o Premio FIP Periodismo para la tolerancia cun premio de 1.000 dólares aos xornalistas de América Latina que destaquen nos seus traballos xornalísticos temas que combatan o racismo e a discriminación, que sexan difundidos a través de prensa escrita, dixital, fotografía, radio e televisión. O concurso ten por obxectivo que os periodistas da zona promovan a tolerancia e a defensa dos dereitos humanos, sobre todo á hora de informar sobre grupos minoritarios.

Poden participar todos os xornalistas que traballan nos medios de comunicación locais de América Latina. Teñen que ter publicado ou emitido os traballos durante o 2009. Para máis información e inscricións: http://americalatina.ifj.org/es

De esquerda a dereita: Luís Menéndez, presidente da Asociación de Periodistas de Santiago de Compostela, Alfonso Cabaleiro, secretario Xeral de Medios, Alberto Núñez Feijoo, presidente da Xunta de Galicia, Elsa González Díaz, presidenta da FAPE, José Francisco Rodil vicepresidente da Asociación da Prensa de Santiago e Xulia Campo,  presidenta da Agrupación de Mulleres Periodistas da APSC.

• A nova presidenta da Federación, Elsa González Díaz, presenta o seu programa de traballo a Alberto Núñez Feijoo, na súa primeira visita a un mandatario autonómico

O presidente da Xunta, Alberto Núñez Feijoo, manifestou o seu rexeitamento ás roldas de prensa sen preguntas, en respaldo á batalla da Federación de Asociacións de Periodistas de España (FAPE) contra a crecente tendencia deste tipo de convocatorias.

O presidente recibiu unha comitiva da Asociación de Periodistas de Santiago de Comopostela e da FAPE, encabezada pola nova presidenta da Federación, Elsa González Díaz. Neste encontro, transmitíuselle ao presidente da Xunta a preocupación polas comparecencias públicas habituais nas que os xornalistas non poden exercer o seu dereito a interpelar.

[Pulsa para ler o resto da noticia]

Unha dotación económica de 1.000 euros para o I Premio de Microensaio Solidaridad en la Diversidad destacará aquel traballo cunha extensión máxima de dez folios que trate sobre a loita contra a discriminación das persoas con diversidade funcional (discapacidade) en España. Todos os ensaios entregaranse antes do 1 de decembro de 2010 ao enderezo solcom@asociacionsolcom.org, facendo constar  o texto: “Ier Premio Microensayo” no asunto da mensaxe. A Asociación SOLCOM, Asociación para la solidaridad comunitaria de las personas con diversidad funcional y la inclusión social convoca este premio.´

Máis información: www.solcom.org
Pulse aquí e consulte as bases.

A FAPE alégrase de que o subdirector do diario El Mundo, Antonio Rubio, fose absolto tras a acusación por un delito de revelación de segredos. O xornalista enfrontábase a unha pena de tres anos de cárcere por publicar informacións relativas a unha testemuña protexida do sumario do 11-M en 2005. A FAPE manifestou o seu respaldo ao subdirector na súa defensa do dereito a informar.

A titular do Xulgado do Penal número 5 de Madrid ratifica o exposto pola Comisión de Queixas e Deontoloxía da FAPE que sostén que non pode afirmarse que a información publicada por Antonio Rubio leve canda si riscos para a testemuña protexida.

A través dos acordos que asinou a FAPE, os asociados e asociadas da APSC teñen un desconto do 12% nos produtos publicados no catálogo de Hurtigren Spain 2010, www.hurtigrutenspain.com, unha compañía especializada en cruceiros pola costa de Noruega, Groenlandia e a Antártida. A reserva e contratación da viaxe débense efectuar exclusivamente con Hurtigruten Spain, a través do número de teléfono 934152719 ou a través do enderezo toni@hurtigrutenspain.com. Tamén se poden facer reservas directas a través da web ata o 31 de decembro de 2010.

No Parque Natural Cabo de Gata, na costa de Almería, o Hotel Rodalquilar de Níjar, www.hotelrodalquilar.com, ofrece un desconto de ata un 20%, 15% ou 5% en temporada baixa, media e alta respectivamente. Para iso cómpre acreditarse co carné de xornalista da FAPE. Para información e reservas: teléfono 950389838, fax 950389839 e correo electrónico info@hotelrodalquilar.com.

[Pulsa para ler o resto da noticia]

A Federación de Asociacións de Periodistas de España (FAPE) celebra a reapertura da causa pola morte do cámara español José Couso, por parte do Tribunal Supremo. A FAPE considera unha boa nova para a liberdade de prensa que a máxima instancia xudicial española estimara o recurso presentado pola familia e se evitara o arquivo da causa por parte da Audiencia Nacional. A FAPE agarda que a investigación evite, deste xeito, que a morte dun compañeiro quede impune.

A Federación de Asociacións de Periodistas de España (FAPE) realiza unha chamada aos profesionais para que participen nunha enquisa que ten por finalidade valorar os salarios dos xornalistas a nivel mundial. A Federación Internacional de Periodistas (FIP), da que forma parte a FAPE, encargarase de realizar esta enquisa na que se compararán os salarios de 1.500 profesións en 400 sectores de 48 países. É a primeira vez que se avalían os salarios de xornalistas.

A participación desenvólvese a través do portal www.tusalario.es  e ten previsto medir o salario medio dos xornalistas con experiencia, as percepcións dos máis novos e se existen diferenzas entre os soldos de homes e mulleres. Os resultados publicaranse en distintos idiomas e estarán dispoñibles na rede. Todos os membros da APSC poden participar nesta enquisa, na que se agradece a súa colaboración.

A Facultade de Ciencias Sociais e da Comunicación de Pontevedra desenvolverá no vindeiro curso 2010-2011 o “Máster universitario en creación, desenvolvemento e comercialización de contidos audiovisuais”. O prazo de matrícula para inscribirse remata o vindeiro 15 de xullo. Para máis información, pulse no seguinte enlace:
http://webs.uvigo.es/mastercontenidosaudiovisuales/