Foto: Deputación de Guadalajara. Integrantes do xurado antes da deliberación. De esquerda a dereita: Vicente Romero, Montserrat Domínguez, Carlos Sanz, Marisa Ciriza, Nemesio Rodríguez, María Antonia Pérez León, Paco Audije e Miguel Ángel Aguilar.

A escritora e xornalista mexicana Lydia Cacho foi a galardoada co I Premio Internacional de Periodismo Manu Leguineche polo seu traballo de investigación e denuncia dos dereitos humanos e explotación sexual das mulleres e nenos. O xurado valorou a súa capacidade para exercer o xornalismo dunha maneira “valente e decidida”.

Os membros do xurado, despois de reunírense o luns en Guadalajara, onde compartiron un xantar con Manu Leguineche, fixeron público o seu fallo. Destacaron no labor da xornalista mexicana, o compromiso coa defensa dos dereitos humanos e a calidade do seu traballo. Cacho estivo, ademais, sometida a numerosas presións e ameazas motivadas polas súas investigacións periodísticas sobre redes de pederastia e prostitución.

[Pulsa para ler o resto da noticia]

A Federación de Asociacións de Periodistas de España (FAPE) remitiu unha carta ao director xeral da Inspección de Traballo na que amosa a súa preocupación pola contratación de bolseiros durante o período estival e solicita un control maior sobre as circunstancias en que se desenvolven as prácticas de verán.

A FAPE fai unha chamada tamén aos empresarios dos medios para lembrarlles que a finalidade das prácticas non é a de cubrir postos de traballo estructurais. Os bolseiros son os que peor pago perciben polo seu traballo, fomentando deste xeito a precariedade. A modo de exemplo, e agravado pola crise, este verán as seccións de moitos medios de comunicación quedaron a cargo de bolseiros de forma exclusiva.