A Federación de Asociacións de Periodistas de España e a Asociación da Prensa de Madrid esixen que a axencia de noticias Colpisa siga funcionando, xa que marca un servizo informativo de calidade e rirgor, valores que se están perdendo nos medios de comunicación españois.

As dúas organizacións sinalan que os recortes de plantilla no xornalismo afectan á credibilidade e á calidade da información que chega á cidadanía. Así, a FAPE e a APM urxen ao Grupo Vocento, despois dun encontro para solidarizarse coa plantilla de Colpisa, a entender o xornalismo de calidade como un bo negocio e censuran a súa proposta de peche.

A FAPE e o Instituto de Postgrado de Estudios Culturais e da Comunicación (IPECC) convocan cinco bolsas por un importe do 50% do coste da matrícula (4.600 €) do Máster da Universidade de Alcalá sobre Periodismo Dixital  O Máster impártese totalmente en liña está dotado con 60 créditos. O curso comeza o 20 de outubro e remata o 30 de xuño de 2011.  O prazo de solicitude das bolsas é do 27 de setmbro ao 8 de outubro (ás 12:00 h)  e para solicitalas é preciso completar o formulario de solicitude do seguinte enlace:
http://spreadsheets.google.com/a/apmadrid.es/viewform?formkey=dGZRanVpRGROaFFuOE8zem9fQVdKcWc6MQ

[Pulsa para ler o resto da noticia]

O vicepresidente da Federación de Asociacións de Periodistas de España (FAPE) insta a abrazar as novas tecnoloxías sen prexuízo dos dereitos laborais nin da calidade do produto informativo, tal e como afirmou na conferencia inaugural do I Taller de Periodismo Dixital para Profesionais organizado pola Universidade Europea de Madrid. Aurelio Martínez referiuse deste xeito á converxencia tecnolóxica que están a experimentar a maioría dos medios de comunicación na carreira por superar a crise tecnolóxica e de modelo de negocio na que están sumidos.

Ademais de subliñar que a calidade e o rigor son características do exercicio xornalístico independentes dos soportes, o vicepresidente de FAPE amosouse convencido das posibilidades que lle ofrece Internet ao xornalismo de calidade, tanto laboral coma cualitativamente.

As socias e socios da FAPE teñen prezos especiais para o Gran Hotel La Toja desde agora e durante todo o 2011. A través da sinatura do convenio, estas vantaxes aplicaranse durante a temporada baixa e media. Na temporada alta aplicarase 10% de desconto sobre os prezos do aloxamento, almorzo e acceso ao club termal.

As persoas interesadas terán que facilitarlle ao Gran Hotel La Toja a documentación acreditativa no momento de efectuar a reserva. As reservas deberán ser solicitadas coa referencia “Reserva Convenio FAPE”, ao departamento de reservas do hotel, ao enderezo reservas@granhotellatoja.es ou a través do teléfono 986 80 32 24. Neste acordo son beneficiarios o cónxuxe ou parella de feito inscrita no rexistro e as fillas e fillos menores de 26 anos.

[Pulsa para ler o resto da noticia]