A Federación de Asociacións de Periodistas de España (FAPE) convoca cinco bolsas destinadas ás súas socias e socios para realizar o curso de Experto en Información Económica 2011 impartido pola Universidade de Zaragoza. O curso desenvolverase entre o 17 de xaneiro e o 6 de xuño de 2011, cun total de 250 horas lectivas: 112 presenciais e 138 de docencia impartida por  Internet.

Para máis información, pulse aquí e consulte o programa do curso.

As bolsas financian:

- As tasas académicas da Universidade, tanto de preinscrición como de matrícula.

- Todos os traslados e aloxamentos derivados das sesións presenciais(cun máximo de 150 euros por clase presencial)

- E o seguro médico.

[Pulsa para ler o resto da noticia]

A Federación de Asociacións de Periodistas de España reservou o número 42529, que poderán mercar xornalistas pertencentes a FAPE, mediante participacións a partir de 5 euros. A través da empresa Lotopia, dedicada á comercialización de Lotería de forma cómoda e segura a través de Internet, pon a disposición de socias es socios na páxina http://www.fape.lotopia.com o procedemento a seguir para adquirir as participacións, así como a forma de pago. No caso de efectuar a compra con cargo á tarxeta de crédito, estas deben estar habilitadas para pagos seguros por Internet. Para calquera consulta, chamar aos teléfonos 91 5 670 652 ou 902 040 256.

O libro “Os Ancares, a serra esquecida” con texto e fotos do socio da APSC Henrique de Arce Temes e editado por Teófilo Comunicación foi presentado esta fin de semana en Piornedo, no centro da serra luguesa dos Ancares. O acto tivo lugar con numerosa presenza de público, maioritariamente habitantes das poboacións ancaresas, así coma o arquitecto Pedro de Llano -promotor de importantes iniciativas na zona- e representantes da directiva da APSC.

O escritor e xornalista Henrique de Arce amosa no libro a inesquecible experiencia xornalística que viviu en 1968 cando traballaba como redactor do Ideal Gallego, dirixido daquela por Bocelo. O lembrado director  enviárao a convivir coas xentes da serra e facer reportaxes, despois de recibiren na redacción unha carta asinada polo párroco na que denunciaba as difíciles condicións de vida dos habitantes da contorna, daquela totalmente illados, sen estrada, médico, teléfono, etc… O libro reproduce os artigos publicados daquela xunto cunhas magníficas fotografías feitas polo propio xornalista.

O periodista, blogueiro e defensor das liberdades públicas en Cuba, Guillermo Fariñas, recibio o Premio Sakharov 2010, outorgado polo Parlamento Europeo. As autoridades da Habana deben permitirlle ir a recibir o seu recoñecemento, segundo propón Reporteros Sin Fronteras, e ademais, que ademais de autorizalo a viaxar poida regresar despois ao seu país.

Guillermo Fariñas é cidadán cubano e foi encarcerado durante a Primavera Negra de marzo de 2003. Convertiuse en disidente nos anos 90 e desde alí pasou ao xornalismo independente. Defensor do dereito a informar libremente, fixo máis de vinte folgas de famecoo protesta, entre elas a de 2010, co obxectivo da liberación de todos os presos políticos enfermos.

A FAPE e a Asociación de Editores de Diarios Españoles (AEDE) organizan os cursos totalmente subvencionados para socias e socios de FAPE.

Son os seguintes:
Curso homologado en prevención de riscos laborais (edición de libros – artes gráficas); do 24 de novembro ao 23 de decembro de 2010.
Para máis información: http://www.editrain.com/content/pagina5.php?pID=5646&pIDTab=5639&pIDHorario=5647

Curso homologado en prevención de riscos laborais (edición de revistas); do 23 de novembro ao 22 de decembro de 2010.
Para máis información: http://www.editrain.com/content/pagina5.php?pID=5649&pIDTab=5643&pIDHorario=5650

[Pulsa para ler o resto da noticia]

ANAVE, a Asociación de Navieros Españoles, convoca a novena edición do seu Premios de Periodismo, dotado con 6.000 euros para o primeiro premio e dous accésits de 2.000 euros cada un. Profesionais e medios teñen que remitir traballos xornalísticos publicados ou emitidos en medios de comunicación de ámbito nacional (prensa, radio e televisión) entre o 1 de marzo e o 31 de outubro de 2010.

Deberán tratar sobre o comercio marítimo ou  a actividade naviera; a importancia dos buques como medios de transporte ou destacar as sinerxias entre a mariña mercante e outros sectores marítimos (portos, construción naval, industrias auxiliares, etc)

Para máis información:
Gabinete de Prensa de ANAVE. Paula Díaz
Tel.: 91 458 00 40 - pdiaz@anave.es

A presidenta da Federación de Asociacións de Periodistas de España (FAPE), Elsa González, propuxo a celebración dun pacto entre editores e xornalistas para superar a crise do sector. Na súa intervención no Foro de la Nueva Comunicación, a presidenta da FAPE instou ás empresas informativas a adoptar o Código Deontolóxico da FAPE para facer fronte á devaluación ética da profesión.

Elsa González efectuou unha autocrítica colectiva pola responsabilidade dos xornalistas na crise e referiuse á sangría de postos de traballo, á precariedade laboral e á depreciación da calidade dos contidos. Sinalou directamente aos empresarios dos medios como responsables da “pasividade” e tamén se dirixiu a xornalistas por “apeárense da ética”.

[Pulsa para ler o resto da noticia]

A Asociación de Periodistas de Santiago de Compostela (APSC) deplora a actitude do secretario xeral do PSdeG-PSOE, Pachi Vázquez, que respondeu de malas maneiras e ameazante a unha xornalista da Televisión de Galicia cando lle fixo unha pregunta relativa á coherencia da súa postura de apoiar a marcha dos mineiros do carbón en Galicia, mentres o goberno central do seu mesmo partido aprobou o decreto que mobilizou aos traballadores.

[Pulsa para ler o resto da noticia]

A Federación Internacional de Periodistas (FIP) manifestou o seu rexeitamento á decisión do goberno iraní de anular o permiso de residencia e tarxeta de prensa de Ángeles Espinosa, correspondente en Irán desde hai cinco anos do diario El País.

Aidan White, Secretario Xeral da FIP, declarou que “é outro intento do réxime iraní de silenciar o reporteirismo independente sobre o que sucede no país”. E engadiu que “Ángeles Espinsa é expulsada unicamente por ser testemuña das consecuencias da política do réxime iraní. Ela é unha vítima do secretismo e da intolerancia duns líderes con medo a sometérense ao escrutinio público”.

[Pulsa para ler o resto da noticia]

A Federación de Asociacións de Periodistas de España (FAPE) manifestou a súa condena contra a decisión do goberno de Irán de cancelar o permiso de residencia e a tarxeta de periodista á correspondente do diario El País en Teherán, Ángeles Espinosa.

A FAPE considera a medida como un castigo directo ao traballo da xornalista española e reclama ao réxime de Ahmadineyad que restitúa o permiso de residencia e a tarxeta de xornalista á correspondente española. Tamén lle pide ao goberno español unha manifestación pública que rexeite este atentado contra a liberdade de prensa. Segundo a FAPE, o asedio a periodistas locais e estranxeiros só contribúe a empeorar a imaxe internacional do goberno de Irán.

[Pulsa para ler o resto da noticia]