A Asociación de Periodistas de Santiago de Compostela e a Federación de Asociacións de Periodistas de España ofrecen, a través do acordo coa Asociación de Editores de Diarios Españoles (AEDE) os cursos subvencionados en liña de Adobe Indesign CS4. Sería para realizar do 17 de febreiro ao 17 de marzo de 2011 e está destinado a traballadores no convenio da prensa diaria e autónomos asociados á APSC.

Para máis información pulse aquí.

Con motivo de conmemorarse a festividade de San Francisco de Sales, tradicional patrón de periodistas e escritores, a directiva da Asociación de Periodistas de Santiago de Compostela (APSC) saúda e felicita a todos os seus asociados, tamén a todos cantos exercen a profesión en Galicia, exhortándovos a todos a que non vos apartedes nunca da verdade e da ética, guías principais e ineludibles da práctica periodística.

Neste ano 2011, no día do noso patrón, a situación de crise que padecemos no sector (reducción de emprego, precariedade e grande incerteza ante futuro), aconséllanos facer unha reflexión, antes que  entregarnos a celebracións festivas.

Aínda que a crise do sector periodístico ten moito de circunstancia conxuntural, non debemos esquecer que parte da culpa é nosa e tamén dos medios de comunicación, que, durante anos, deixaron de prestar aos cidadáns os servicios que lles son propios, para poñerse a disposición de intereses políticos, económicos ou de calquera outro tipo, apartándose da verdade, da obxectividade, do rigor e do pluralismo aos que debe responder o periodismo responsable.

A directiva da APSC considera que, neste ano que comeza, o xornalismo non ten moito que celebrar, e si que reflexionar, analizar e emendar. A festividade do tradicional patrón dos xornalistas, San Francisco de Sales, que hoxe, 24 de xaneiro, conmemoramos, é un motivo para facer balanzo, poñernos a punto e fixar de novo a ruta. Máis que nunca faise preciso a unión de todos os xornalistas remando na mesma dirección.

J. Fco. Rodil Lombardía
Pte. en funcións da APSC

Porto Meloxo acaba de facernos chegar a súa programación de cursos para este ano  que se iniciarán o día 31 de xaneiro co curso de Patrón de Embaración de Recreo (PER) e que seguirá o 19 de febreiro co curso de Patrón de Iate .

Os cursos están organizados pola Escola de Navegación de Lecer Portomeloxo, homologada pola Xunta de Galicia co indicativo ENAL X GEN 021, e o Multiusos Fontes do Sar, en colaboración con Caixa Galicia dentro do programa Náutica Popular. Se algún alumno suspende poderá facer os seguintes cursos de xeito gratuíto.

Os que desexen  máis información poden obtela na páxina: http://www.portomeloxo.com  ou ben poñéndose en contacto coa APSC. Lembramos que os socios da APSC teñen os mesmos descontros que os abonados do Multiusos de SAR.

A Federación Internacional de Periodistas (FIP) advirte que os medios de comunicación e os xornalistas seguen a ser obxectivo principal dos extremistas políticos, delincuentes e terroristas ao informaque que, alomenso 94 xornalistas e empregados dos medios morreron en 2010, vítimas de asasinatos, ataques con bombas ou indicentes entre faccións. A esa cifra engádese a de tres xornalistas que morreron de forma accidental, pero relacionada co seu traballo.

A FIP sitúa a Pakistán na cabeza da lista das zonas máis perigosas para os xornalistas en 2010, por diante de México, Honduras e Iraq. Segundo o presidente da FIP, Jim Boumelha, “a cifra que case un cento de xornalistas asasinados é unha perda moi elevada, que debería provocar a reacción dos gobernos de todo o mundo para protexer mellor aos profesionais da información”.

[Pulsa para ler o resto da noticia]