Foto: De esquerda a dereita: Alfonso Cabaleiro, Secretario Xeral de Medios da Xunta de Galicia; Malén Aznárez, vicepresidenta de Reporteros Sin Fronteras en España e José Francisco Rodil, vicepresidente da Asociación de Periodistas de Santiago de Compostela.
- Internet e as redes sociais convertéronse nun medio fundamental para denunciar a corrupción en Túnez e en Exipto
57 xornalistas mortos, 150 encarcerados e 116 blogueiros tamén na prisión. Este é parte do balance do Informe anual da liberdade de expresión no mundo en 2010 elaborado por Reporteros Sin Fronteras que esta mañá presentou en Santiago de Compostela a vicepresidenta da entidade, Malén Aznárez. Na presentación do informe tamén colaborou a Secretaría Xeral de Medios da Xunta de Galicia e máis a Asociación de Periodistas de Santiago de Compostela.
A experimentada xornalista fixo un resumo do Informe no que se da a coñecer a regresión da liberdade de prensa en todo o mundo. Aznárez destacou en primeiro lugar a situación actual que se está a dar nos países do Magreb. Grazas á liberdade de expresión, sinalou, estase “contribuíndo á caída de ditadores”. E aínda que agora se ve como os enviados especiais sufriron acosos, encarceramentos ou ataques, “as prohibicións xa foron unha mecánica habitual nas últimas décadas”.
No informe realízase unha análise pormenorizada por continentes e rexións. Países coma Pakistán, México, Honduras, Eritrea, Irán, Irak e China son os máis ameazados. En moitos casos, segundo relatou a vicepresidenta de Reporteros Sin Fronteras, “ante o silencio das democracias occidentais por cuestións políticas ou económicas”.
[Pulsa para ler o resto da noticia]
