A Universidade de Zaragoza e a Asociación de Periodistas de Aragón e outras institucións organizan o curso de verán “Comunicación, información y nuevas tecnologías: cómo sacar partido a la sociedad de la información”. O curso celebrarase os vindeiros 28 e 29 de xuño no Pazo de Congresos de Jaca.  Para os membros de FAPE, a inscrición é de 95 euros.

Para consultar o programa, as inscricións e o aloxamento, prema no seguinte enlace:
http://moncayo.unizar.es/cv/cursosdeverano.nsf/CursosPorNum/06

O galardón deste premio está dotado cun premio en metálico de 1.500 euros e máis un diploma. Calquera traballo xornalístico pode concorrer ao certame, sempre que fora publicado ou difundido a través dun medio de comunicación (prensa, radio, televisión, revista, axencia de prensa ou Internet) entre o día 2 de outubro de 2010 e o 20 de maio de 2011. O prazo de entrega dos traballos finaliza ás 14.00 h do 24 de xuño e deben enviarse á dirección da sede Gasteiz On (calle Herrería, 98. Bajo. 01001 Vitoria-Gasteiz)

Para máis información, pulsa aquí e consulta as bases.

Medios de cobertura nacional, organización profesionais e entidades relacionadas co xornalismo suscribiron o Manifesto contra as roldas de prensa sen preguntas. O manifesto tamén conta co apoio dunhas 8.000 sinaturas individuais, entre elas, as duns 5.000 xornalistas.

Diarios, emisoras de radio, cadeas de televisión, axencias de prensa, revistas e medios dixitais e locais suscriben os contidos deste texto onde se lle pide a partidos políticos e outras entidades que abandonen todo intento de limitar o exercicio do xornalismo coa convocatoria de roldas de prensa sen preguntas ou a imposición de bloques electorais.

Pulse aquí para consultar a lista de medios que suscribiron o manifesto
Pulse aquí para consultar a lista de organizacións profesionais e entidades que suscribiron o manifesto

A compañía Sanitas amplía, para altas durante o mes de maio, a oferta especial para os socios e socias que o desexen. A oferta supón unha redución dos prezos por persoa e mes, sí como dous meses gratis aos que se dean de alta.

Para acceder aos detalles da oferta  preme aquí. Para consultar a listaxe de médicos e centros sanitarios dispoñibles preme aquí.

No caso de querer concretar máis as condicións e darse de alta hai que poñerse en contacto con Myriam Neira nos seguintes teléfonos e direccións:

Móbil: 691 511 963
Teléfono fixo: 981 127 811
Enderezo postal: Plaza de Ourense 7-8, A Coruña , C.P. 15004
E-mail: mneira@sanitas.es

Foto: de esquerda a dereita, Meyling Tang, Áurea Sánchez e Mónica Cabezas nun momento da xuntanza da AMX-APSC con xornalistas chilenas.

A Agrupación de Mulleres Xornalistas da Asociación de Periodistas de Santiago de Compostela (AMX-APSC) vén levando a cabo diversas actividades tendentes a concienciar á profesión xornalística da importancia que ten a consecución da igualdade entre mulleres e homes. Unha destas actividades foi a xuntanza que mantivo con xornalistas chilenas no Casino de Santiago o venres 25 de marzo. Nesta reunión abordáronse medidas lexislativas levadas a cabo nos últimos anos en Chile, España e Galicia para a acadar a igualdade.

Mónica Cabezas, que formou parte do equipo de asesoras en igualdade no goberno da expresidenta  chilena Michelle Bachelet, deu conta das medidas tomadas polo executivo do seu país nos últimos anos. Tamén aportou ampla información sobre a situación social das mulleres en Chile. Xunto coa xornalista  Meyling Tang, que desenvolve a súa actividade xornalística en Galicia, informaron ambas as dúas das principais diferenzas existentes entre a situación na que viven as mulleres chilenas e españolas.

Pola Agrupación de Mulleres Xornalistas da APSC participaron a presidenta, Xulia Campo, a vicepresidenta, Áurea Sánchez, a secretaria executiva, Lucía Castro, e a xornalista Belén Baños.

A Asociación de Periodistas de Santiago de Compostela suscribe o Manifesto contra as roldas de prensa sen preguntas e outras anomalías informativas. Socias e socios e todas as persoas interesadas poden asinalo no seguinte enderezo:
http://www.peticionpublica.es/?pi=P2011N9499
 
A iniciativa parte da Federación de Asociacións de Periodistas de España (FAPE) e secundan o manifesto a  Asociación de la Prensa de Madrid (APM), o Col.legi de Periodistes de Catalunya, o Consejo de Informativos de TVE e o Consejo de Informativos de TV3.
 
A APSC tamén apoia ós xornalistas, medios e organizacións profesionais que asinan o manifesto contra os reiterados intentos de manipulación da información e da presión sobre o traballo profesional dos xornalistas, que procede fundamentalmente dos partidos políticos.

[Pulsa para ler o resto da noticia]

No Día Mundial da Liberdade de Prensa, a Federación de Asociacións de Periodistas de España (FAPE) da que forma parte a Asociación de Periodistas de Santiago (APSC) conmemórase a data do 3 de maio co Manifesto en Defensa da Liberdade de Prensa.
 
A través deste manifesto, a FAPE e a APSC instan aos poderes públicos a abandonar os intentos de limitar o exercicio do xornalismo mediante leis elaboradas para tal finalidade e solicitan o respecto aos xornalistas no tratamento das informacións. Faise tamén unha chamada á sociedade civil para que esixa respecto universal á liberdade de prensa, un dereito fundamental consagrado na Constitución e garantía imprescindible para o bo funcionamento da democracia.

[Pulsa para ler o resto da noticia]