A Asociación de Periodistas de Santiago de Compostela lamenta moi profundamente a desaparición do xornal en galego Galicia Hoxe, pertencente ao grupo El Correo Gallego, coa perda de 19 postos de traballo. Unha vez máis frústrase intentos positivos para a pervivencia do xornalismo en xeral, e do xornalismo galego en particular. Durante estes últimos oito anos, o xornal galego Galicia Hoxe converteuse tamén nunha interesante iniciativa sen parangón nos medios de comunicación escritos en Galicia. A Asociación de Periodistas de Santiago de Compostela quere amosar a súa soliedariedade con tódolos xornalistas e traballadores do Galicia Hoxe, que nestes momentos se ven abocados a una difícil situación, por este motivo, a APSC solicita que a empresa lles facilite solucións alternativas.

A Asemblea anual da Federación Europea de Periodistas (FEP), celebrada en Belgrado, aprobou por unanimidade a moción presentada pola Federación de Asociacións de Periodistas de España (FAPE) contra as roldas de prensa sen preguntas (#sinpreguntasnocobertura). A campaña está suscrita, polo de agora, por 172 medios de comunicación e organización profesionais e máis de 10.000 cidadáns a título individual.

A moción obtivo o respaldo do Comité directivo da FEP e da asamblea dos delegados de 44 asociacións europeas. A votación tivo un resultado unánime co apoio das asociación e sindicatos de xornalistas dos 27 países da Unión Europea, ós que se sumaron os representantes de Croacia, Islandia, Serbia, Macedonia, Noruega, Turquía e Suíza. En total, 34 países votaron a favor da totalidade do texto, que saíu adiante sen enmendas. Tamén amosaron o seu apoio os voceiros de Israel e Ucrania que asistiron ó encontro a título de observadores. Os delegados da FEP presentes en Belgrado amosaron a súa sorpresa pola moda das roldas de prensa sen preguntas en España, sen que haxa antecedentes semellantes nos seus países, polo que entre as súas propostas figura levar a queixa diante do Consello de Europa.

A Rede Galega de Loita contra a Pobreza (EAPN Galicia) organiza o I Foro Galego sobre Pobreza, Exclusión Social e Voluntariado, que se celebrará o 30 de xuño e 1 de xullo de 2011 no Centro Social Novacaixagalicia (Praza de Cervantes, Santiago de Compostela). Este foro pretende converterse nun dos encontros anuais de referencia en Galicia que afronten toda a problemática, a nivel de europeo, estatal e galego.  Está dirixido a responsables e persoal voluntario de organizacións de acción social, así como a responsables e persoal técnico das Administracións Públicas Galegas, sindicatos, investigadores e persoal da comunidade universitaria.

As prazas son limitadas, polo que a inscripción previa e  gratuíta, poderase facer ata ao 24 de xuño, indicando nome e apelidos, DNI e institución ou entidade á que pertence se é o caso, así como a selección dos 3 coloquios aos que lle gustaría asistir. Neste enderezo: formacion.eapngalicia@gmail.com

Para máis información, consulte a web www.eapn-galicia.com
Pulse aquí para consultar o díptico e mailo programa das xornadas.

A Conferencia de Decanos de Facultades  de Ciencias da Comunicación e da Información uniuse ao “Manifesto contra as roldas de prensa sen preguntas e outras anomalías informativas #sinpreguntasnocobertura”, unha iniciativa que partiu da Federación de Asociacións de Periodistas de España (FAPE) e que secunda a Asociación de Periodistas de Santiago de Compostela. No escrito de adhesión sinalan que con esta iniciativa se defende o dereito social á liberdade de expresión e maila dignidade dos profesionais actuais, así coma a dos futuros xornalistas.

Nos últimos días tamén asinaron o manifesto os directores de La Voz de Asturias, La Tribuna de Talavera, El Faro de Ceuta, La Voz de Cádiz, Diari de Tarragona, La Gaceta Regional de Salamanca e Diario de Noticias de Álava, co que ascende a 39 o número de diarios que o subscribiron.

[Pulsa para ler o resto da noticia]

Todos os membros que pertencen á Federación de Asociacións de Periodistas de España poden acceder ó parque gratuíto “Isla Mágica” de Sevilla durante toda a temporada. Para acceder, cómpre presentar o carné acreditativo de FAPE no departamento de atención ao visitante (fiestra número 2) .

Familiares e amigos do titular teñen vales desconto por importe de 5 euros (non acumulables con outras ofertas) á súa disposición na sede da Asociación da Prensa de Sevilla (rúa Espronceda 6, 2ª planta). Para recollelos, o horario é de 10.00 a 15.00 de luns a venres e de 16.00 a 19.00 de luns a xoves durante o mes de xuño. A partir do 1 de xullo atenden en horario de mañá. En agosto, a Asociación da Prensa de Sevilla estará pechada.

[Pulsa para ler o resto da noticia]