• Asociación de Periodistas de Santiago de Compostela

  • Asociación de Periodistas de Santiago de Compostela

  • Asociación de Periodistas de Santiago de Compostela

O período de goberno da Xunta directiva é de catro anos, sendo susceptible de reelección en Asemblea Xeral. Nesta etapa, está formada polos seguintes profesionais.
     
PRESIDENTE    
     
Luís Menéndez Villalva  

 

(Ourense, 1959).  Licenciado en Xornalismo pola Universidade Complutense de Madrid (1976-81). Traballou en La Región, El Ideal Gallego, Radio Galicia (SER) e Televisión de Galicia, amén de numerosas colaboracións en distintos xornais, revistas e axencias de noticias. Especialista en documentais de viaxes.

Dirixiu programas como “Galicia no Mundo”, “Europa”, “Galeguidade”, “Terras de Merlín”, “Terras do Leste” e “Terras de Acolá”. Premios: “TP” a programas informativos (1989), “Alvaro Cunqueiro” para escritores e xornalistas (1983) e “Premio Galicia de Xornalismo” (1990) e “José Aurelio Carracedo” (2004). Ten publicado “Toda a Terra é dos Homes (Galaxia 93) “Vida e Viaxes na Galeguidade” (Xunta de Galicia 96) e "Galleira Passport" (Alvarellos,2014). 

     
VICEPRESIDENTE    
     
José Francisco Rodil Lombardía  

 

(Santa Eulalia de Oscos, 1953). Licenciouse en Ciencias da Información pola Universidade Complutense de Madrid. Traballou nos diarios Informaciones e El Correo Gallego e permaneceu vinculado á Televisión de Galicia (TVG), da que foi director entre xaneiro de 1990 e xullo de 1994.

Foi xefe de control de cadea da mesma emisora e programador da súa canle internacional. Foi galardoado co “Premio Galicia de Periodismo” (1989) e autor do libro “Sin Máscara. Relatos de periodismo de camuflaje” (1989). Exerceu como director do diario ovetense  La Voz de Asturias ata o ano 2002.

     
SECRETARIA    
     
Rebeca Munín Oliveira  

 

(Santiago de Compostela, 1983). Licenciada en Xornalismo pola Universidade de Santiago de Compostela no ano 2005, especializouse na rama de Xornalismo Electrónico e Multimedia. Iniciou a súa carreira profesional no Grupo Correo Gallego, traballando en Radio Obradoiro e no xornal Galicia Hoxe. Posteriormente recalou na delegación de Santiago da Agencia EFE.

En 2007 comeza a traballar como redactora para o semanario gratuíto Santiagosiete. Con 27 anos é nomeada directora da publicación, cargo que exerce desde xuño de 2010 ata xullo de 2013.

     
TESOUREIRA    
     

 

Ma. del Carmen Prado Pico

(Cospeito, Lugo 1951) Licenciada en xornalismo pola Universidade Autónoma de Barcelona. Colaborou coa Voz de Galicia, A Nosa Terra e Radio Mollet. Incorporouse aos Servizos Informativos da Televisón de Galicia en 1985. Neste canle autonómico dirixiu o informativo de Fin de Semana e editou o Telexornal Mediodía, o Bos Días Magazine e os programas A Solaina e A Revista.

 

 

     
VOGAIS    
     
José Luis López Vila  

 

 

(Bilbao, 1964). Licenciado en Ciencias da Información (Sección Xornalismo) pola Universidade do País Vasco. Iniciou a súa carreira profesional en varias emisoras privadas de Euskadi, como “ONDA 3-Rueda Rato”, e traballou na radio pública vasca “Radio Euskadi” (1987).

Tamén exerceu o seu labor nunha axencia de publicidade e noticias daquela comunidade e publicou informacións na desaparecida “La Gaceta del Norte” e en “El Correo”.

Dende 1988 exerce como redactor-locutor na “Radio Galega”, onde coordinou varios informativos e foi un dos responsables do programa “Información a Punto”(1990).

En abril de 1991 participou nun intercambio profesional coa Radio Pública Portuguesa -RDP- no Porto, propiciado pola Consellería de Relacións Institucionais. Tamén dirixiu e editou diversos programas, como “Galicia por diante”, e especiais dos servizos informativos da radio pública galega.

     
Áurea Sánchez Puente  

 

Licenciada en Ciencias da Información pola Universidade Complutense de Madrid. Foi correspondente do xornal La Vanguardia, formou parte do equipo fundador de Radio Televisión de Galicia (CRTVG) e traballou como xornalista en Televisión Española (TVE).

Máster en Igualdade e Xénero no Ámbito Público e Privado pola Universidade Jaume I de Castellón, forma parte da Rede Europea de Mulleres Xornalistas e é  a presidenta da Agrupación de Mulleres Xornalistas (AMX) da Asociación de Periodistas de Santiago de Compostela (APSC).

     
Rafael Cid Fernández  

  

(Tamagos; Verín, Ourense, 1961), Licenciado en Filoloxía Hispánica e tamén en Filoloxía Galaico-Portuguesa pola Universidade de Santiago de Compostela e en Xornalismo pola Universidad de Navarra.

Realizou prácticas en La Voz de Galicia , xornal no que posteriormente colaborou, así como con La Región. Traballou en Televisión de Galicia e no Centro Territorial de Galicia de TVE, onde foi xefe de Programas e Informativos e onde actualmente é editor de informativos.

Guionizou e dirixiu o documental “Carrilanos, os túneles dun tempo” sobre a construcción do ferrocarril entre Puebla de Sanabria e Ourense que mereceu varios premios. Sobre o mesmo tema publicou (en Edicións Xerais) un libro, que inclúe DVD co documental. Da súa autoría é outro documental, “Queda alguén aí?”, sobre a perda de poboación no rural.

Foi profesor asociado de Comunicación Audiovisual na Facultade de Ciencias da Comunicación da Universidade de Santiago de Compostela.

     
Xulia Campo Vázquez  

 

En 1990 incorpórase como Redactora ós Servizos Informativos da Televisión de Galicia (TVG)
Na actualidade, e desde 2004, é Directora e Presentadora da sección local da área de Santiago de Compostela nos informativos. Nesta televisión autonómica dirixiu e editou diversos especiais dos servizos informativos, os programas agrarios “O Agro” e “Labranza”, o informativo “A Revista” , o informativo matinal “Bos Días” e “Galicia Directo”.

Ó mesmo tempo, de 1992 a 1995 foi redactora xefa da revista especializada “Agricultura”.

Desde 2006, pertence á Directiva da Asociación de Periodistas de Santiago de Compostela, onde foi Secretaria e na actualidade ocupa o cargo de Vogal. Ademais é fundadora da Agrupación de Mulleres Xornalistas da APSC (AMX) dentro da Asociación de Periodistas.

     
Juan Salgado Fernández  

  

(Vilar de Barrio, Ourense, 1950) Ingresou como colaborador de prensa en La Voz de Galicia, xornal do que foi redactor na súa Delegación en Santiago de Compostela (1974-1977)

Actual subdirector de El Correo Gallego, onde entrou en 1976 e do que é Defensor do Lector desde decembro de 2004. Director do semanario Terras de Santiago.

Desde 1991 e ata 2006 foi o responsable de edición do Anuario que publica El Correo Gallego e responsable da edición da “Guía cidadá do Concello de Santiago” en 2003 e 2006.

Premio Galicia de Comunicación (1999) á mellor traxectoria profesional en prensa escrita. Foi gañador do primeiro premio nos concursos “Juan de San Clemente” (1972) e “Centro Galego de Baracaldo” (1973) na modalidade de contos.

     
Joel Rodríguez Gómez  

 

(Ourense, 1959). Cursou estudos de Filoloxía Portuguesa e Filosofía e Ciencias da Educación. Pertence á APSC dende 1985.

Xornalista en exercicio en La Voz de Galicia, onde é responsable de temas relacionados coa saúde. Forma parte do Grupo de Investigación Galabra da Universidade de Santiago de Compostela.

Destaca o XI Premio Periodístico Albarelo que lle concederon polo seu traballo Remedios a la medida de cada enfermo.

     
Jessica Pintor Barran  

 

(Santiago, 1982). Licenciada en Xornalismo pola Universidade de Santiago. Logo de facer as prácticas no desaparecido xornal en galego Galicia Hoxe e na Cope, exerce labores de prensa no PP de Ames. No ano 2007 trasládase a Lugo onde traballa como redactora na Televisión de Galicia e en Telelugo.

A finais de 2008 ponse ao frente do gabinete de comunicación do PSdeG-PSOE da provincia de Lugo, un ano despois compaxina estas tarefas coas do gabinete do Centro Tecnolóxico Agroalimentario de Lugo, como autónoma. Pertence a APSC dende o 2007.

     
     
     

 


search
Copyright ©2015 periodistascompostela.org - Design by www.zanwenga.com
f t g m

Reporteros sin fronteras