Foto: Xoanma Porto. De esquerda a dereita, Rafael Cid, Áurea Sánchez, Luís Menéndez e Francisco J. Rodil

Un nutrido grupo de socios da APSC (Asociación de Periodistas de Santiago de Compostela) reuníronse o día 21 de decembro para celebrar a súa asemblea anual no auditorio do hostal dos Reis Católicos, onde posteriormente tiveron un ágape navideño. Os xornalistas de Compostela repasaron as actividades do ano transcorrido destacando a crise pola que está a atravesar a profesión cunha alta taxa de paro e unha degradación constante da calidade da información. A APSC, que preside Luís Menéndez, impulsou durante 2011 varias iniciativas a nivel local, nacional e internacional, como a coñecida campaña contra as rodas de prensa sen preguntas, que será presentada proximamente no consello de Europa, en Estrasburgo. Tamén se porá en marcha un curso de formación para mulleres xornalistas especializado en información de xénero.

Foto: Xoanma Porto

A Asociación de Periodistas de Santiago convida a socias e socios e acompañantes ao cóctel de fin de ano que terá lugar no Hostal dos Reis Católicos o 21 de decembro de 2011, a partir das 20:30 h, a continuación da Asemblea Xeral da APSC. Prégase que os asistentes confirmen asistencia no enderezo apsantiagoc@hotmail.com