• Jean-Claude Mignon, presidente da Asemblea do Consello comprométese a estudar e levar a campaña ao Pleno da organización extracomunitaria

• Elsa e Luís Menéndez na entrega do dossier #sinpreguntasnocobertura

• Con Jean-Claude Mignon e Fernanda Gabriel, President European Parliamentary Journalists´ Association of Council of Europe

A presidenta da Federación de Asociacións de Periodistas de España, Elsa González, e o delegado para as relación internacionais e presidente da Asociación de Periodistas de Santiago de Compostela, Luís Menéndez, acaban de presentar a campaña #sinpreguntasnocobertura ao presidente da Asemblea, Jean-Claude Mignon, que se comprometeu a levala ao Pleno do Consello de Europa. A FAPE dá un paso máis na batalla contra a práctica frecuente de ofrecer roldas de prensa nas que non se admiten preguntas.

A comitiva da Federación viaxou ata Estrasburgo para entregarle a Jean-Claude Mignon unha carpeta informativa sobre a campaña que documenta o malestar de profesionais e cidadáns ante o abuso dunha práctica prexudicial para a democracia. Despois de entrevistarse coa presidenta e co delegado para as relación internacionais da FAPE, Mignon celebrou un encontro con xornalistas de distintos países diante dos que gabou a iniciativa española.

Os representantes da FAPE mantiveron unha reunión con outros responsables do Consello, onde estiveron o director de comunicación da institución, Daniel Höltgen, o xefe da división de prensa, Jan Malinowski, e o secretario da Comisión de Cultura, Ciencia e Educación, Rudiger Dossow, que acolleron con grande interese a campaña.

#sinpreguntasnocobertura obtivo o apoio unánime da Federación Europea de Periodistas (FEP), co favor de 44 asociacións europeas, durante a última asamblea xeral da organización celebrada o pasado 17 de xuño en Belgrado.