El BREG (Broadcasting European Expert Group), grupo de expertos para el sector audiovisual de la EFJ (Federación Europea de Periodistas) decidió incluir al periodista español Luís Menéndez en su comité directivo, como representante internacional de la Federación de Asociaciones de Periodistas de España (FAPE). Menéndez es, a su vez, presidente de la Asociación de Periodistas de Santiago de Compostela y periodista de la Televisión de Galicia desde sus inicios. Los trabajos del BREG, organismo que preside el prestigioso periodista británico de la BBC y del Nottingham Post, John Barsby, están dirigidos a la supervisión de los derechos de los periodistas del audiovisual europeo así como a la defensa de los principios éticos y de la libertad de información. En este sentido fueron de gran relevancia los informes elaborados este mismo año 2011 sobre la crítica situación en el Reino Unido, especialmente con los recientes despidos en BBC World, los drásticos recortes en la televisión pública de Grecia (ERT), la protección a los periodistas perseguidos en Hungría o los decisivos acuerdos alcanzados entre patronos y sindicatos para las televisiones francesas. El comité directivo del BREG está integrado por 12 periodistas de otros tantos países europeos.

O servizo de Deportes en lingua española da Agence France Presse (AFP) en París busca periodistas para contratos curtos (sustitucións). Os candidatos deben ter coñecementos de deportes e ser capaces de traducir noticias de francés e inglés ao castellano. Enviar CV a pablo.san-roman@afp.com á atención de Pablo San Román (Xefe do Servizo de Deportes en español da Agence France Presse).

O director de cine e prestixioso xornalista grego Nikos Megrelis presentará por vez primeira en España o seu documental Shooting vs Shooting no marco do Festival Euro-Árabe Amal, organizado pola Fundación Araguaney, de Santiago de Compostela o xoves 27 de outubro, ás 20.00 h horas no Teatro Principal. O documental, que ten por lema Dying for the truth (Morrendo pola verdade) é unha intensa reportaxe sobre o conflicto mundial no que morreron máis xornalistas desde a II Guerra Mundial: a Guerra de Iraq, onde 350 xornalistas e traballadores dos medios de 10 diferentes países perderon a vida en Iraq no transcurso do seu traballo de informadores.

Megrelis, ao longo de 70 entrevistas, relatou no seu traballo numerosos casos nos que os xornalistas foron vítimas da barbarie bélica, tanto no chamado bando occidental coma no iraquí. Especialmente subliñable foi o caso da morte do reporteiro gráfico galego Xosé Couso, quen faleceu nun ataque contra do hotel onde se hospedaba feito desde un tanque norteamericano. Familiares directos de Xosé Couso, como a nai, irmáns e tíos, asistiron á proxección do filme. Megrelis entrevistou os familiares e amigos afectados polas desaparicións dos xornalistas en Iraq, como a propia nai de Couso, Maribel Permuy, ou o seu compañeiro Jon Sistiaga.

[Pulsa para ler o resto da noticia]

Coas recentes imaxes da morte de Gadafi, os cambios seguen imparables no mundo árabe. Así o manifestou Younes M´Jahed, Vicepresidente da Federación Internacional de Periodistas (IFJ) na conferencia organizada onte pola Asociación de Periodistas de Santiago, a Fundación Araguaney e a Fundación Carlos Casares.

Younes M’Jahed, que ademais de profesor universitario é presidente do Sindicato Nacional da Prensa Marroquí e vicepresidente da Comisión de Liberdades da Unión Árabe de Periodistas destacou o papel da Internet para a coordinación dos movementos na sociedades, principalmente o das redes sociais como instrumento para mobilizar os mozos. Da mesma maneira, sinalou que a rede pode axudar moito, pero por si soa non resolve os problemas.

[Pulsa para ler o resto da noticia]

A Asociación de Periodistas de Santiago de Compostela (APSC) participa no IV Congreso Internacional da Rede de Periodistas con Visión de Xénero que se celebra estes días na cidade marroquí de Fez co apoio da Universidade Sidi Mohamed Ben Abdellah. Arredor de 130 asistentes procedentes de América, África, Europa e Asia debaten sobre estratexias para erradicar o sexismo nos medios de comunicación.

Saida Boudaghia, xornalista de Tanger, que vive habitualemnte en Madrid é unha das organizadoras deste congreso. Entre os/as asistentes contamos coa participación da nosa compañeira da directiva Áurea Sánchez, que como vicepresidenta da Agrupación de Mulleres Xornalistas (AMX) da nosa asociación, vai dar conta no congreso das actividades da agrupación de Compostela a prol da igualdade entre mulleres e homes.

Por parte de España acoden amais a este IV Congreso Internacional de Periodismo con Visión de Xénero xornalistas de diversas comunidades autónomas, que debaterán sobre novas tecnoloxías, manual único para ó tratamento da información sobre violencia de xénero e anuncios de prostitución nos medios de comunicación, entre outros temas.

OS ACTUAIS CAMBIOS NO MUNDO ARABE. INFLUENCIA DAS REDES SOCIAIS E O XORNALISMO NAS REVOLUCIÓNS DA PRIMAVERA 2011

Por Younes M´Jahed, Vicepresidente da Federación Internacional de Periodistas (IFJ), Presidente do Sindicato Nacional da Prensa Marroquí, Vicepresidente da Comisión de Liberdades da Unión Árabe de Periodistas.

Lugar: Hotel Meliá-Araguaney. Santiago de Compostela
Día: venres 21 de outubro de 2011
Hora: 20.00

A Asociación de Periodistas de Santiago de Compostela (APSC) en colaboración coa Fundación Araguaney e a Fundación Carlos Casares convoca a socios, prensa e público en xeral este venres,  21 de outubro ás 20.00 horas no salón do Hotel Meliá-Araguaney á conferencia “Os actuais cambios no mundo árabe. Influencia das redes sociais e o xornalismo nas revolucións de primavera de 2011”, que impartirá o xornalista, sociólogo e profesor marroquí Younes M´Jahed, segunda autoridade mundial da International Federation of Journalists (IFJ) e especialista en información internacional.

Younes M´Jahed traballa actualmente no diario marroquí Al Ittihad Ichtiraki II, e ata hai pouco foi o corresponsal da axencia española EFE en Marrocos. Coñece de primeira man a realidade do mundo árabe e a de todos e cada un dos países que o compoñen, aos que viaxa con frecuencia. É autor de numerosas publicacións sobre dereitos humanos e liberdades no seu país, -no que estivo preso nos tempos de Hassan II- así coma análises sobre a sociedade civil, informes sobre a liberdade de expresión e o recente libro “O movemento dos xóvenes en paro e a comunicación” (Organización do Traballo Árabe, O Cairo 2010).

No acto estarán tamén os presidentes das Fundación Araguaney e Carlos Casares, Ghaleb Ibrahim e Gustavo Garrido, respectivamente, e o presidente da APSC, Luís Menéndez, quen fará a presentación de Younes M´Jahed e moderará o posterior coloquio.

De esquerda a dereita: Áurea Sánchez, o presidente da APSC, Luís Menéndez, o alcalde, Xerardo Conde Roa, Rafael Cid, Mª Carmen Domínguez Bustelo, Juan Salgado e Joel Rodríguez Gómez representando á Directiva da Asociación de Periodistas de Santiago de Compostela.

18/10/2011.- O Alcalde de Santiago, Xerardo Conde Roa, recibiu por primeira vez oficialmente a directiva da Asociación de Periodistas de Santiago, presidida por Luís Menéndez. No encontro, que se prolongou durante unha hora, os directivos da APSC manifestaron ao rexedor compostelán o programa de actividades que se levan a cabo en relación coa cidade e a súa proxección exterior.

Destacaron a necesidade da creación dun centro de prensa internacional para Santiago de Compostela que sirva como soporte para acoller e dar servizo aos milleiros de xornalistas que, de todo o mundo, pasan pola capital galega, e que tamén sexa un núcleo para organización de actos de difusión pública.

Asemade relataron ao Alcalde os preparativos para vindeiras homenaxes as dúas grandes figuras históricas do xornalismo compostelán como Alfredo Vicenti ou Raimundo García, “Borobó”. Por último, e entre outros asuntos, indicaron a incidencia que a crise da profesión está tendo no ámbito compostelán e galego.

O Alcalde, pola súa parte, tomou nota das informacións recibidas e destacou a labor que desde sempre tivo a APSC como ente profesional compostelán que agrupa a xornalistas de Compostela e comarca desde hai case 70 anos.

A Oficina Técnica de Cooperación en Puerto Príncipe (Haití) precisa unha asistencia técnica para a realización da comunicación para a difusión das actividades de emerxencia, reconstrucción e desenvolvemento apoiadas pola Cooperación Española en Haití, tanto no país coma en España e darle visibilidade ao traballo que fai a Axencia Española de Cooperación Internacional para o Desenvolvemento.

Requerimentos do posto:

Licenciado en Comunicación, Relacións Públicas ou Periodismo con titulación de Máster preferiblemente.

Experiencia profesional na área de comunicación, preferiblemente no ámbito do desenvolvemento e a cooperación.

Excelente capacidade demostrable de redacción e edición en español e francés, desexable inglés.

Experiencia de traballo en axencias de cooperación, organismos internacionais e/ou en organizacións non gubernamentais.

Experiencia laboral relacionada co posto. Valoraranse publicacións relacionadas ao solicitado nestos termos de referencia.

Coñecemento  da realidade sobre Haití.

Experiencia en países en desenvolvemento, preferiblemente do Caribe.

Experiencia en elaboración e implementación de estratexias de comunicación.

Excelente dominio de sistemas informáticos, aplicacións de Office, correo electrónico e Internet.

Excelentes relacións interpersoais.

Habilidade para traballar en equipo e baixo presión.

Dispoñibilidade para viaxar ao Sudeste as veces que sexa necesario.

Para máis información, pulse aquí e consulte as bases

A Cámara de Comercio de Pontevedra lanza o primeiro Curso Superior de Community Manager, con formación integral e práctica en redes sociais, marketing online, comunicación e cultura web. O curso Community Manager PLUS ofrece formación integral e práctica das ferramentas e estratexias para xestionar a comunicación de calquera empresa en redes sociais e a súas estratexias de marketing online. Está dirixido a empresarios que necesiten aplicalo á súa propia empresa, como a profesionais e estudantes que queiran dedicarse a unha das carreiras máis demandadas na actualidade, a xestión de redes sociais. A axencia de comunicación Creativatotal.com será a encargada de organizar o curso cun amplo elenco de profesionais participantes.

Datas, horarios e prezo
O curso comeza o 10 de novembro e remata a finais de abril. Son 170 horas presenciais e 100 horas prácticas que se desenvolverán na empresa ou nun proxecto fin de carreira, con tutorías individuais. O horario é nas tardes dos xoves e venres, de 16.00 a 20.00 h na sede da Cámara de Comercio de Pontevedra. O prezo é de 1.500 euros na primeira edición. As inscricións pódense realizar a través da web http://www.camarapontevedra.com/
[Pulsa para ler o resto da noticia]

A xunta directiva da Federación de Asociacións de Periodistas de España (FAPE), á que pertence a Asociación de Periodistas de Santiago (APSC), aprobou a Declaración de Segovia, un documento no que se insta aos partidos políticos a exercer a responsabilidade na campaña electoral do 20N co fin de evitar situacións como as vividas recentemente no Consello de Administración de RTVE. a a los partidos políticos a un ejercicio de responsabilidad en la campaña electoral del 20N, con el fin de evitar situaciones como a vivida recentemente no Consello de Administración de RTVE.

A supresión dos bloques electorais nos informativos, as declaracións “enlatadas” e as roldas de prensa sen preguntas son obxectivos primordiais, segundo a FAPE, para os próximos comicios.  Nesta declaración pídeselles aos editores que aumenten os investimentos en formación en novas tecnoloxías, fundamental para que os xornalistas poidan manter un alto grao de profesionalidade no exercicio da súa misión.

DECLARACIÓN DE SEGOVIA

1.    Ante a campaña electoral das próximas eleccións, a FAPE insta aos partidos políticos a un exercicio de responsabilidade para evitar situación como a vivida recentemente no Consello de Administración de Radiotelevisión Española.

Tal exercicio de responsabilidade inclúe, entre outras cousas, o fin das roldas de prensa sen preguntas, das declaración enlatadas, dos bloques electorais, das cortapisas na cobertura dos mítins e da negativa dos líderes a entrevistas e debates.

Os políticos xa saben, pola recente experiencia co Consello de Administración de RTVE, que os cidadáns esixen o máximo respecto á liberdade de información e de expresión e rexeitan rotundamente calquera atisbo de censura ou de limitación destes dereitos.

[Pulsa para ler o resto da noticia]